Kujt po i pengon Albin Kurti..?

Albin Kurti, kryeministri i Kosovës një kohë të gjatë është një figurë politike markante rajonale. Ai ishte mysafir i yni para disa muajve, nën patronatin e BE-së, në një tentim për të gjetur zgjidhje për kontestin me Serbinë. Ai vazhdimisht nëpër mediat kryesore kosovare, rajonale dhe botërore ka shprehur qëndrimet e tij për tema thelbësore dhe strategjike, që drejtpërdrejt na tangojnë edhe neve.

Megjithatë, është evidente mungesa e tij plotësisht në hapësirën tonë mediatiake, analitike dhe politike. pothuajse në nivel të bojkotit. Deri dje. Që kur është tema kryesore në të njëjtat media të heshtura, dhe në qarqet injoruese politike. E merrni me mend, gjithë kjo në një kontekst negativ. Shpirtrat u trazuan.

Një vizitë njëditore, “i çoi të gjithë në këmbë”. Alarmi “mbrojtja e identitetit” është aktivizuar. Flamuri u mor si shkas apo si rast, por cila është arsyeja reale?

Dhe ashtu, në ortekun në mbrojtje të një emri të një rruge të Shkupit dhe në një sulm ndaj një flamuri provokues, nën udhëheqjen e figurave më të larta politike, në harmoni me opozitën maqedonase; disi “harruan” të komentojnë mesazhin kryesor politik për ne, i cili nëse perifrazohet thotë se: BE-ja është rruga jonë e përbashkët dhe në atë rrugë Maqedonia e Veriut duhet të jetë me Kosovën, Shqipërinë dhe Bullgarinë, jo me Serbinë, qeveria dhe sjellja e së cilës poshtë lartë është e ngjajshme që nga koha e nismëtarëve dhe zbatuesve të luftërave në ish-Jugosllavi, nga vitet nëntëdhjetë.

Jo rastësisht kjo deklaratë është kapaku fillestar i një derdhjeje të “shqetësimit dhe rrezikut” të madh nga sjellja e 1 (një) pjesëmarrësit në tubimet masive me të cilat u prit Kurti në Shkup dhe Tetovë, si dhe nga sjellja e disa figurave politike të opozitës shqiptare, të cilët u gëzuan duke përfituar nga popullariteti i Albin Kurtit dhe besimi që tek ai kanë shqiptarët në Maqedoninë e Veriut. Besimi, i cili, meqë ra fjala, duhet t’i shqetësojë më shumë sesa t’i bëjë të lumtur.

Dhe ajo që duhet të na shqetësojë të gjithëve, si qytetarë, është se kush e shqetëson Maqedoninë e Veriut në BE, në të cilën Kosova, si fqinji dhe mikja jonë e parë, mund të jetë vetëm partneri ynë.

Si atëherë, askush nuk i përgjigjet paralajmërimit dhe thirrjes së Albin Kurtit?
Dhe si, dikush që është një mbështetës i flaktë i shtetit ligjor dhe i vendosjes së një sistemi standardesh dhe rregullash, anëtarësimit në BE, nuk është shembull për t’u lavdëruar, por është një objekt, gati për t’u linçuar?

Çfarë ka gabuar dje Albin Kurti, që në këtë pushim veror i ka bërë të gjithë të “aktivizohen”, të cilët dështuan që si nikoqir të pranojnë mysafirin në një takim formal apo joformal? Kë e “godi” kaq shumë, me praninë, deklaratën dhe paraqitjen e tij? Dhe në fakt a është Albin Kurti ai që e shqetëson më shumë dikë në Maqedoninë e Veriut? Në çështje që ngre pyetjen, “kush kë po mbron ” nga çfarë dhe pse?

Dhe kështu në pritje të ndryshimeve kushtetuese, dalëngadalë të gjithë po “zbulohen”, duke kërkuar një rast në çdo situatë: nga futbolli te kryeministri, nga protestat te festimet, duhet t’ia dijmë rendin se kush është “mik” dhe kush është “armik”, kush është i mirë e kush i keq. Ta përsërisim mësimin: “Shqiptarët janë irredentistë”, “Bullgarët janë fashistë”, kurse Kurti është njeriu që “zhveshi” fundamentalizmin dhe imperializmin serb. Dhe askush këtë nuk duhet t’ia fal. Ashtu edhe siç nuk ia fal.

Por, a ka mbetur kush të kujdeset për interesat e Maqedonisë së Veriut, nëse kemi mbaruar me hallet e fqinjit? Megjithatë, ky është vendi juaj, sado e vështirë të jetë për ju. Për shkak të tij, ju jeni në çdo lloj pozicioni. E cila më me dobi duhet të shfrytëzohet nga strategjia tashmë e zhveshur, për të antagonizuar maqedonasit.

Dhe ata, si shqiptarët, edhe të gjithë të tjerët i intereson vetëm normaliteti, sistemi dhe drejtësia. Nuk kanë faj që ajo erdhi e personifikuar me Albin Kurtin.
A është kjo ajo që shqetëson dhe frikëson, normaliteti dhe qartësia, çfarë është interesi ynë dhe çfarë jo?

Autorja është shkenctare e fushës së arkeologjisë dhe historisë së artit, ish-deputete e Partisë Liberal Demokrate në Maqedoninë e Veriut.
shkruan: Nikica Korubin përktheu dhe përshtati: INA

/ina