Liridona Useini edhe një Doktor Shkence nga Kërçova në Gjermani

E lindur në Zajaz, e rritur në një familje ekonomikisht mesatare. Liridona është fimija e dytë e Nënës Arife dhe Babait Tasim. “Donën e rritëm plot mirësi mes motrës Bekime dhe vëllaut Rufat. Atyre u mësuam që Dija është pasuria më e çmuar në jetë”. Shkollën fillore Dona e kreu në ShFQ “Rexhë Rushit Zajazi” në Zajaz, ndërsa të mesmen në Kërçovë, pran ShMK “Mirko Mileski”.

Me ambicje të mëdha Dona ishte pjesë e shumë aktiviteteve Kulturore dhe Humanitare. Në 2010-ën regjistroi studimet në Universitetin e Tetovës, pran Fakultetit të Shkencave Matematiko-Natyrore, pas së cilit ju nda çmimi i studentes me suksesin më të lartë në FShMN, nga FRI në Shkup. Në po të njejtin institucion, Dona kreu edhe studimet e ciklit të dytë, ku mori titullin Master i Shkencave. Në Tetor të 2018-s, ajo regjistron studimet për ciklin e tretë, në Universitetin e Leipzigut.

Ku nën udhëheqjen e Prof. Evamarie Hey-Hawkins punoi në projektin për “Sintezën e analogëve Karbonil të barnave jo steroid anti-inflamator”. Puna e saj u publikua në tre revista shkencore, dhe për këtë sukses BuildMoNa i ndau gmimin i parë. Sot, në 10 Korrik të 2023-tës, Dona me sukses prezentoi dhe mbrojti tezen e Doktoratës përballë komisionit në Universitetin e Leipzigut dhe fitoi titullin Doktor (Doctor rerum naturalium). Urojmë që sukseset e tilla të bëhen motiv për brezat që do pasojnë. E Donës i urojmë sukses në hapat e më tejshëm të rrugëtimit të saj. Me respekt nga Familja Useini

FOTO:

/ms