Gjykatat e Maqedonisë të pa kënaqur me rrogat..!

“Për vete jeni nënë, për neve njerkë” dhe “Për ju paga evropiane, për ne s’ka as shtesa prej 25 përqind”.
Këto ishin vetëm disa nga pankartat që mbanin në duar përfaqësuesit e sindikatës së pavarur të administrates shtetërore dhe asaj të shërbimeve gjyqësore , të cilët përpara Gjykatave protestuan duke kërkuar, paga më të larta.

Nëse kërkesat e tyre nuk merren parasysh, ata paralajmërojnë ndërprerje të punës nga muaji shtator.
“Durimi për njerëzit prapa meje është drejt fundit. Edhe ato shtesa që I kemi tashmë nuk I kemi, kjo siç thash është paralajmërim, nëse për një kohë shumë të shkurtër nuk zgjidhen këto probleme, pagat dhe shtesat, këta njerëz prapa meje, por edhe kolegët e administratës publike janë të gatshëm që ta ndërpresin punën nga muaji shtator”, tha Trpe Dejanovski, Kryetar UPAS.

“Kërkesat tona janë; rritja adekuate e pagës sipas shpenzimeve të jetesës, por në këtë periudhë kemi rritje pagash për 30 përqind për një pjesë të të punësuarve të ministrisë së financave, pakënaqësia është e madhe dhe jo vetëm tek sistemi gjyqësor por edhe më gjerë”, deklaroi Goran Ristevski, Sindikati i pavarur i administratës shtetërore.

“Ne si shërbime të gjyqësorit ishim javën e kaluar në mbledhje tek Kryetari I Këshillit Gjyqësor, ai na premtoi se do të ketë shtesa, megjithatë ditën e njejtë votoi shtesat për shërbimet e veta dhe akademinë e gjykatësve, ndërsa për ne vetëm 5 përqind dhe akoma nuk kemi vendim as për ato 5 përrqind dhe kjo është poshtëruese… Nuk ka asnjë logjikë që punëtorëve të vet nga 25 për qind, neve vetëm 5”, tha Jasmina Veliçkova, Sindikati i pavarur i shërbimeve në gjyqësor në të gjithë RMV-në.

“Do ti pyesja shkurt funksionarët që vendosin për shtesat dhe pagat e shërbimeve të gjykatës se a kanë njohuri që ka të punësuar që punojnë për vetëm 18 500 denarë dhe do t’i lusja të llogarisin sa është dallimi prej 18 500 deri në 180 mijë denarë që ata I marrin në muaj”, u shpreh Renata Georgievska, Nënkryetare e shoqatës së Administratës Gjyqësore.
Ata thonë se pakënaqësia nuk është vetëm në sistemin gjyqësor dhe se në korrniza të sindikatës do të ketë më shumë protesta për më shumë organe të tjera.

/Alsat.mk