Turqia dënon djegien e Kur’anit në Suedi..

Ministri turk i Punëve të Jashtme, Hakan Fidan, ka dënuar djegien e librit të shenjtë Kur’anit në Suedi në ditën e parë të festës së madhe muslimane të Kurban Bajramit.
“Dënoj veprimin e poshtër në Suedi kundër librit tonë të shenjtë, Kur’anit, në ditën e parë të Kurban Bajramit. Është e papranueshme të lejohen këto veprime islamofobike anti-muslimane nën pretekstin e lirisë së shprehjes”, shkroi Fidan në twitter.

“Të mbyllësh sytë ndaj akteve të tilla mizore do të thotë të jesh partner në krim”, shtoi ai.
Komentet e shefit të diplomacisë erdhën pasi autoritetet suedeze dhanë leje për një protestë për djegien e Kur’anit jashtë një xhamie.

Ndërkohë, Ömer Çelik, zëdhënësi i Partisë për Drejtësi dhe Zhvillim (AK) në Türkiye, tha se dënojnë miratimin e aplikimit nga autoritetet suedeze për djegien e Kur’anit para një xhamie.
“Ne dënojmë fuqishëm qëndrimin e Gjykatës së Lartë të Suedisë për mbrojtjen e krimeve të urrejtjes. Çdo mosrespektim është një krim kundër njerëzimit. Ne do të vazhdojmë të luftojmë kundër këtyre akteve të mallkuara në mënyrën më të fuqishme të mundshme në të gjitha bazat politike dhe ligjore”, shkroi Çelik në twitter.

Pas reagimit të ministrit të Jashtëm turk, pasuan zyrtarë të tjerë.
“Dënoj aktin e urryer kundër Librit tonë të Shenjtë, Kur’anit të Shenjtë, në ditën e Festës së Bajramit, në Suedi. Akte të tilla të neveritshme islamofobike, të kryera nën maskën e lirisë së mendimit dhe shprehjes nuk janë kurrë të pranueshme. Dënoj të gjithë individët dhe institucionet që i lejojnë ta bëjnë këtë”, tha këshilltari diplomatik i Recep Tayyip Erdogan, Akif Çagatay Kiliç.

Omer Celik, përfaqësues i Partisë për Drejtësi dhe Zhvillim në pushtet, tha se “ne dënojmë miratimin e dhënë nga autoritetet suedeze për kërkesën për djegien e Kuranit të Shenjtë para një xhamie në Ditën e Bajramit. Ne dënojmë me forcë qëndrimin e Gjykatës së Lartë të Suedisë në mbrojtjen e krimeve të urrejtjes”.

“Është skandaloze që policia suedeze lejoi djegien e Kuranit të Shenjtë para një xhamie në kryeqytetin Stokholm. Liria e fesë dhe e ndërgjegjes është e drejta më themelore e njeriut. Fyerja e vendeve të shenjta nuk mund të konsiderohet si pjesë e sferës së lirisë së mendimit dhe të shprehjes.

Asnjë urdhër gjykate nuk mund ta legjitimojë këtë fyerje dhe nuk mund të mbrohet në asnjë shtet ligjor demokratik. Veprimi i dënueshëm për të cilin është dhënë leja është një sulm i hapur ndaj besimit tonë, veçanërisht për myslimanët, në këto ditë të festës së shenjtë që po kalojmë. Sidomos para Samitit të NATO-s që autoritetet kompetente të Suedisë duan të bëhen aleatë”, tha Ministri turk i Drejtësisë, Yilmaz Tundes.

/alsatm