Zvicra hap edhe më shumë vende të lira të punës..

Muajin e kaluar, firma e punësimit Michael Page vuri në dukje një rritje të lehtë në pozicionet vakante në tregun zviceran të punës, e nxitur kryesisht nga sektorët e pasurive të paluajtshme dhe energjisë, përcjell albinfo.ch.

Mundësitë e punësimit u rritën me 1.2 për qind në krahasim me të njëjtën periudhë të vitit të kaluar.
Sipas sektorëve, specialistët e pasurive të paluajtshme mbeten aktivisht të kërkuar me një rritje prej 23.5 për qind në numrin e ofertave të punës të publikuara.

Fusha e energjisë dhe furnizimit ka gjithashtu nevojë për fuqi punëtore (+18,7%), së bashku me atë të teknologjive mjedisore (+9,8%).

Për sa i përket rajoneve, Zvicra qendrore regjistroi rritjen më të fortë brenda këtyre sektorëve (+6 përqind), e ndjekur nga pjesa veriore e vendit (+4.4 përqind).
Në zonën e Cyrihut dhe liqenit të Gjenevës, nga ana tjetër, numri i vendeve të lira ka rënë.

/albinfo