Kurti: I brengosur, por jo i frikësuar nga sanksionet e SHBA-së..

Kryeministri i Kosovës, Albin Kurti, në Forumin e Sigurisë që po mbahet në Bratisllavë, u pyet lidhur me ndëshkimin e SHBA-së për Kosovën si dhe rrezikun për mos-liberalizim të vizave.

Kurti deklaroi se nuk është i shqetësuar, por i brengosur, teksa pati kritika edhe për faktorin ndërkombëtar, shkruan Gazeta Insajderi.

“Unë jam i shqetësuar pothuajse gjatë gjithë kohës, por kurrë nuk kam frikë. Ne po punojmë shumë për të gjetur një rrugëdalje nga kjo. Rruga për të dalë nga kjo nuk duhet të jetë një rrugë kthese, por një hekurudhë”, deklaroi ai.

Sipas Kurtit, janë dy kushte që duhet plotësuar për shtensionimin e situatës: largimi ose arrestimi i bandave kriminale serbe dhe zbatimi i Marrëveshjes së Ohrit.

“Na duhen dy pista: Rruga e parë, turmat në Serbi ose në burg në Kosovë, pista e dytë është zbatimi i shpejtë, i plotë dhe i pakodifikuar i Marrëveshjeve Themelore. Jemi kthyer në sinkromën e vjetër. Arrij marrëveshje, mos u zbato. Bëra një listë të gjatë se si Beogradi po e shkelte marrëveshjen.

Për këtë hekurudhë na duhet një tren më i shpejtë. Të mos ketë takime të nivelit të lartë një herë në dy muaj. Jam shumë i gatshëm të takoj Vuçiqin në çdo kohë”, deklaroi shefi i ekzekutivit kosovar.

/alsatm