Rasti i parë me koronavirus në Gostivar

Në Gostivarë është paraqitur rasti i parë me virusin korona. Bëhet fjalë për një grua në moshën 40-vjeçare e cila para dhjetë ditësh është kthyer nga Gjermania. Pacientja është izoluar në Repartin Infektiv në Gostivar ndërsa do dërgohet në Klinikën Infekive në Shkup. Deri më tani në Gostivar janë testuar rreth njëzetë persona tjerë, ndërsa rezultatet e tyre janë negative. Numri i përgjithshëm i të prekurve nga virusi korona në vend tashmë shkon në 43.t

Ndryshe sot, Shtabi i krizave në Komunën e Gostivarit, në të cilën krahas përfaqësuesve të institucioneve, ishin edhe kryetarët e Komunës së Vrapçishtit dhe Mavrovë-Rostushes, në krye me kryetarin e Komunës së Gostivarit, Arben Taravari ka sjellë këto konkluzione:

-Në mënyrë konsekuente të respektohen rekomandimet e Qeverisë dhe në përgjithësi të mos bëhet kompromis.

-Të gjitha institucionet ta shfrytëzojnë ndikimin e tyre me qëllim që qytetarët të qëndrojnë në shtëpi,

-Të zhvillohet strategjia për izolimin e rasteve potenciale me koronavirus dhe të sigurohen kushte të përshtatshme,

-Të ruhet nivel i lartë i higjienës në të gjitha institucionet shtetërore dhe komunale

-Lëvizja e qytetare të reduktohet në minimumin e mundshëm,

-Bashkëpunimi midis institucioneve të ngrihet në nivelin maksimal.

Nga komuna informuan se janë duke u ndërmarrë masa të përforcuara për higjienë më të madhe komunale dhe të bëhet dezinfektimi i sipërfaqeve publike dhe i objekteve.Tre kryetarët e komunave u bënë apel qytetarëve t’i respektojnë masat. Gjatë ditës do të kontaktohet me pronarët e tregjeve dhe do të kërkohet prej tyre t’i mbyllin, edhe pse nuk përfshihen me masat.

/lajmpress