Kush do të përkujdeset për të moshuarit në Maqedoni? Mjekët dhe infermierë ikin në Gjermani..!

Deri në fund të këtij viti rreth 150 infermierë nga shtëpitë e shëndetit në mbarë vendin do të shpërngulen për në Gjermani, për kushte më të mira e posaçërisht për paga më të larta, paralajmëron sindikata e pavarur e Spitalit të specializuar për Gjeriatri “13 Nëntori”.

Thonë se kushtet në shëndetësi janë të mjerueshme dhe se Qeveria nuk po i përfill kërkesat e tyre, siç janë paga të denja, njohja e arsimit të lartë për infermierët dhe arsimit të mesëm për përkujdesëset.

“Infermieret insistojnë të fitojnë të drejtat e tyre megjithatë nuk ka vesh nga qeveria për këtë arsye një numër i madh i tyre deri në fund të vitit, rreth 150 vetëm se kanë paralajmëruar deri në fund të vitit ta lëshojnë vendin dhe vetëm se janë marrë vesh për në Gjermani të nisin me punë”, tha Llazo Kostovski, kryetar i Sindikatës së pavarur të gjeriatrisë.

Ndonëse një muaj më parë Sindikatat e shëndetësisë arritën marrëveshje me Ministrinë e Shëndetësisë për rritje të pagave të punonjësve shëndetësor, e njëjta ende nuk është realizuar.

“Përse marrëveshjet që qeveria po i bën me sindikatat nuk po i respekton, përse vetëm për ta po vlen ligji për rritje të pagave 78% ndërsa për punëtorët shëndetësor nuk ka asnjë rritje. Paga që duhej ta merrnin punëtorët shëndetësor në muajin mars me rritje nga 2.000 për mjekët dhe personelin dhe 3.000 denarë për infermierët, a do të përllogaritet kjo si duhet, pra të llogariten javët, kujdestaritë, stazhi dhe festat, ose do të jepet rritje thjesht si rritje për marsin”, pohoi Llazo Kostovski, kryetar i Sindikatës së pavarur të gjeriatrisë.

Nga 1 maji sindikata në fjalë paralajmërojnë protesta, me bllokim të tërë kryeqytetin siç thonë nga të dyja hyrjet, edhe nga “Gjorçe Petrovi” edhe nga Autokomanda.

“Do ta bllokojmë Shkupin nga të dyja hyrjet edhe nga “Gjorçe” edhe nga Autokomda e posaçërisht do ta bllokojmë Qendrën, që të mos mund të shkojnë në punë as krerët e gjykatave, as të Kuvendit e as të Qeverisë, le të shkojnë në këmbë e jo me makina”, theksoi Llazo Kostovski, kryetar i Sindikatës së pavarur të gjeriatrisë.

Pyetëm edhe në Ministrinë e Shëndetësisë se a do t’i dëgjojnë kërkesat e Sindikatës së Gjeriatrisë dhe deri ku ka ngelur realizimi i premtimit për rritjen e pagave për punëtorët shëndetësor, por pa përgjigje.

/tv21