Maqedoni: Dhunon pacientët dhe videot i shpërndan në rrjetet sociale..(VIDEO)
Kështu keqtrajtohen pacientët në Spitalin psikiatrik në Shkup nga një person që është tek reparti i të burgosurve, njofton KlanM.
I keqtrajton pacientët, i dhunon fizikisht e më pas i publikon videot në rrjetet sociale, por në Ministrinë e punëve të brendshme nuk ka asnjë evidencë për dhunën e ushtruar në Bardovcë.
”Ju informojmë se në periudhën prej 01.01.23 deri më 18.04.23 nuk ka të paraqitur asnjë rast dhune në spitalin psikiatrik në Bardovcë” – thonë nga MPB.
Por ka evidencë për rastin që ndodhi mbrëmë, derisa ekipi i Klan Maqedoni ishte në këtë institucion. Agresori, një ish boksier, u bë viktima.
”Më datë 19.04.23 është paraqitur në SPB Shkup se në ora 12:25 pas një zënke verbale, B.SH 37 vjeçar nga Velesi, me mjet të mprehtë i ka shkaktuar lëndim personit D.S 33 vjeçar nga Negotina. Të dytë mjekohen në këtë institucion. Po merren masa për pastrimin e rastit” – thonë nga Ministria e Punëve të Brendshme.
Jo rrallë herë viktima të dhunës janë edhe mjekët. Agresorët zakonisht janë ata që qëndrojnë në repartin që duhet të kryej funksionin e burgut dhe ku qëndrojnë persona që kanë kryer vepra të rënda penale.
Në këtë repart, sic percjell KlanM, nuk ka as sigurim privat, e as polic. Pacientët që janë në gjendje diskutabile psikike, ushqehet me lugë, pirunë dhe thika të metalit, që zakonisht përdoren si armë për të sulmuar.
Përgatiti: Furkan Saliu
VIDEO:
/KlanMacedonia
