Humbi paratë në aparate, kthehet me pushkë automatike dhe plaçkit kazinonë..!

Prokuroria ka zhvilluar procedurë hetimore ndaj një 27-vjeçari nga Shkupi, i cili kishte grabitur një kazino në Maxhari të Shkupit, pasi kishte humbur para duke luajtur në makineritë e kazinosë, përcjell Gazeta Populli.

Në një kazino në rrugën “Zhan Zhores” në lagjen Maxhari, i dyshuari me përdorim të armës së zjarrit dhe kërcënim serioz se do të sulmojë jetën dhe trupin e dy të dëmtuarve, ka marrë 22.500 denarë.

Pasi kishte humbur më herët para duke luajtur në aparatet VLT, ai ka lëshuar kazinonë dhe është larguar, por është kthyer pak më vonë dhe ka nxjerrur një pushkë automatike nga poshtë xhaketës.

Ai i ka drejtuar armën punonjësve të dëmtuar dhe e ka repertirë, ka shkuar pas banakut dhe ka kërkuar që t’i japin paratë. Njëri nga punonjësit i ka dhënë 22.500 denarë, pas së cilës i dyshuari është larguar”, thuhet në njoftimin e Prokurorisë.

Nga atje, pasditen e sotme është dorëzuar propozim për caktimin e paraburgimit për të dyshuarin.

/Gazetapopulli