Presidenti : Kam informacione zyrtare, Maqedonia dhe Shqipëria marin datë për negociata më 26 mars (Video)

Presidenti i Maqedonisë Stevo Pendarovski, sot ka mbajtur një pres konferencë të jashtëzakonshme lidhur me Koronavirusin, por në fillim të presit ka paraqitur një lajm të gëzueshëm për qytetarët e Maqedonisë dhe Shqipërisë.
“Përmes kanaleve zyrtare kam marë informacion se më 26 mars Maqedonia e veriut dhe Shqipëria do të marrin dritë jeshile. Një pjesë e partnerëve dhe miqve tanë prej të hënën do të vijnë në Shkup që të na e kumtojnë këtë”, theksoi Pendarovski, shkruan gazeta Lajm.

Duke folur për koronavirusin, Stevo Pendarovski, nuk përjashton mundësinë që të shpallet gjendje e jashtëzakonshme në Maqedoni, si pasojë e virusit Korona. Ai theksoi se situata me të cilën përballemi është unikate. Ai tha se për hapat e mëtejmë se si duhet të veprohet do të konsultohet me Këshillin e sigurimit dhe me ekspertë, por ka përjashtuar mundësinë që të shpallet orë policore, siç përmendi dje ministri i shëndetësisë, Venko Filipçe.
Pendarovski tha se ligjet nuk definojnë se si duhet të veprohet lidhur me zgjedhjet, në rast se imponohet nevoja për shpallje të gjendjes së jashtëzakonshme. Ai tha se në situatë të tillë, Parlamenti aktivizohet, mirëpo pa ndonjë peshë politike, sepse gjithçka do të rregullohet me dispozita dhe vendime që të do të sjellë qeveria.
Në rast të tillë, sipas Pendarovskit, ushtria vetëm se do të ndihmojë policinë.

Presidenti Stevo Pendarovski, duke mbajtur pres konferencë të jashtëzakonshme për situatën me koronavirusin, ka komentuar edhe raportin e fundit të Departamentit Amerikan të Shtetit, ku thuhet se korrupsioni në Maqedoni është ende në nivel të lartë.

Pendarovski ka theksuar se është keqardhje që ende nuk është arrestuar asnjë funksionar i lartë për korrupsion.
Presidenti Pendarovski ka theksuar se në përgjithësi, raporti i fundit i Departamentit Amerikan të Shtetit është më pozitivi që ka marrë Maqedonia në 10 vitet e fundit.

/lajmpress