Vrojtuesit Bashkimi në kujtim të veprës së Vesel Jonuzit

Vesel Jonuzi do të kujtohet si një njeri dhe humanist i madh. Ai për shoqatën “Vrojtuesit Bashkimi” ka punuar pa u kursyer dhe interesi i tij ka qenë gjithmonë motivimi i të rinjve për tu marrë me aktivitete rekreative dhe për të zhvilluar shpirtin e tyre eksplorues.

Në mesin e kontributeve të shumta, pasi realizoi planin e themelimit të shoqatës, më pas nisi angazhimet për të siguruar një shtëpi apo më mirë të themi një fole e ngrohtë për të gjithë vrojtuesit.

Dhe pas shumë përpjekjeve, Xhaka Vesel arriti ëndrrën e tij. Ai e siguroi parcelën dhe menjëherë, duke siguruar dokumentacionin e nevojshëm për ta legalizuar, të gjithë së bashku nisëm të ndërtojmë shtëpinë tonë.

Sigurisht këtu nuk duhet harruar edhe donatorët nga vendi dhe diaspora të cilët kanë dhënë një kontribut të madh financiar për ndërtimin e këtij objekti.

Duke mos harruar për asnjë çast fjalët e Xhak Veselit, ne, anëtarët e shoqatës Vrojtuesit Bashkimi, do të bëjmë të pamundurën për të çuar në vend amanetin e tij, e ajo është vazhdimi i aktiviteteve të shoqatës, aty ku e la Xhak Veseli.

Të gjithë anëtarët e shoqatës, Xhak Veselin do ta kujtojnë si njeri i drejtë, human, i vendosur dhe i pathyeshëm. Vdekja do të na takojë të gjithëve, por është ndryshe kur ajo na gjen të përgatitur për të na marrë në botën tjetër.

Lutemi dhe shpresojmë që shpirti i Xhak Veselit të prehet në vendet më të bukura të parajsës.
Shkruajn nga Vrojtuesit Bashkimi transmeton kercova.net

/ms