Loj futbolli midis Imamëve Shqipëtar dhe Priftërinjëve Zvicëran.. (FOTO)

Është e vërtetë që çdo ditë na lind i njëjti diell, por dita nuk është e njëjtë dhe dielli nuk mbetet i njëjtë. Dhe është e vërtetë që nata dhe dita alternojnë mes nesh me një frekuencë të caktuar, por cila ditë është paraardhëse dhe cila natë është nata e mëparshme në vetvete?!

Që nga kohërat e lashta, njerëzit kanë kërkuar një mënyrë për të njohur njëri-tjetrin dhe për t’i afruar njerëzit, në vazhdën e kësaj ata gjetën shumë mjete si arti dhe muzika, por sporti mbetet një nga mjetet më të rëndësishme për të forcuar marrëdhëniet midis popujve për shkak të konkurrencës së ndershme midis popujve të botës.

Sporti nuk është thjesht një mjet argëtimi, as fushë për të korrur tituj apo për të arritur famë, por është burim sjelljesh korrekte dhe mënyrë e shkëlqyer e komunikimit të ideve dhe pikpamjeve përmes të cilave mund të zgjidhen divergjencat dhe të rikthehen farat e besimit midis individëve dhe komuniteteve.

Sporti është një nga urat që lidh popujt, është urë dashurie dhe komunikimi mes popujve për shkak të qëllimeve të vlefshme që mbart dhe argëtimit brenda shpirtit.Prandaj, sporti shpesh rregullon atë që e zvetënoi politika dhe shkaktoi mosbesimin mes komuniteteve.

Manifestimet sportive në vetvete konsiderohen si një konsolidim i unitetit dhe vëllazërisë së popujve përmes organizimit të turneve dhe garave globale dhe pritshmëria është e madhe duke rritur shanset për takime dhe komunikime mes vete për të shtuar besimin e ndërsjelltë dhe evituar paragjykimet.

Shumë njerëz e përqafojnë idenë e pozitivitetit të sportit dhe rolin e tij të lartë në përballjen me format e racizmit dhe intolerancës, si dhe vendin e tij të rëndësishëm në luftimin e këtyre fenomeneve të këqija në terrenet sportive.

Në kuadër të kësaj është edhe takimi i tretë me rradhë në këto ndeshje fudbolli, përkatësisht mes imamëve shqiptarë dhe priftërinjëve të kishës reformiste të Kantonin Aargau për të zhvilluar takime në fundboll për të përcjellë një mesazh të qartë që sporti është një prej mënyrave të shkëlqyeshme të komunikimit të mesazhit të harmonisë ndërfetare në një shtet demokratik siç është Zvicra.

Rezultati i ndeshjeve aspak nuk është i rëndësishëm, është thjesht formal, por mesazhi është i fuqishëm dhe imazhet që përcillen tek brezat e rinjë janë të rëndësishme, që prijësit fetar së bashku të kontribuojmë në evitimin e dhunës që përcillen në terrenet sportive, në luftimin e racizmit dhe vandalizmit, sidomos kultivimin e frymës FAIR PLAY.

Siç çdo herë, këto takime shoqëron me një bashkëbisedim të ngrohtë dhe të relaksuar, me shkëmbim dhuratash, shtrëngim duarsh dhe fotografi të përbashkëta dhe mbi të gjitha me frymë sportive në kuadër të rregullave të përcaktuar për zhvillimin e këtyre ndeshjeve miqësore.

Ky takim përfundoi me rezultat 8:2 në të mirën e imamëve, dhe ky rezultat nuk ka rëndësi, por këtu fitoi edhe njëherë kontributi për inicimin e komunikimit të drejpërdrejetë të prijësve fetar të dy komuniteteve fetare, mbi të gjitha kontributi për paqë, harmoni dhe tolerancë ndërfetare.

Mirënjohjet në vaçanti shkojnë edhe për nismëtarin e këtij projekti sportiv në kuadër të KMSHZ-së, imamit të Xhamisë së Wilit, mr.Bekim Alimi.
Nehat ISMAILI
28.10.22, AARBURG/ZVICËR

FOTO:

/ms