“Grupi i zjarrit” i pakënaqur me punën e ministrave, do të kërkojnë shkarkime..

Pas publikimit nga TV21 të axhendës dhe pikave në rend dite të mbledhjes së nesërme të BDI-së, ka reaguar i ashtuquajturi “grupi i zjarrit” të cilët thonë se tashmë e kanë parë raportin e ministrave integristë dhe nuk janë të kënaqur me punën e tyre.

“E kemi lexuar raportin e ekzekutivit, nuk jemi të kënaqur nga realizimi i projekteve. Përmes debatit do të kërkojmë përgjegjësi dhe insistojmë largimin e disa ministrave”, tha për TV21 një nga pjesëtarët e “grupit të zjarrit”.

Përndryshe nesër në orën 14:30 mblidhet kryesia e BDI-së ku mes tjerash në rend dite është edhe llogaridhënia e ministrave të kësaj partie për punën e bërë deri më tani.

/lajmpress