Prof.dr.Sadik Emroja vizitoj xhaminë e Arburgut në Zvicër
Takim me një shije të vaçantë pas namazit të xhumasë në Aarburg, me dy personalitete të rëndësishme nga sfera e shkencës Prof.Dr.Sadik Emroja dhe Dr.Ibrahim Sejdini.
Dy intelektualë, dy njerëz të shkencës, kulturës dhe mendimit progresiv, dr.Ibrahim Sejdini, Specialist në psikiatri dhe psikoterapi dhe prof.dr.Sadik Emroja, profesor universitar në UT dhe ekspert i sociologjisë së religjionit.
Dr.Ibrahim Sejdini jeton dhe vepron në Zvicër, udhëheq një klinikë të psikiatrisë dhe psikoterapisë, shpesh herë udhëton edhe jashtë Zvicrës për seminare dhe konferenca shkencore.
Prof.dr.Sadik Emroja, profesor universitar në universitete të ndryshme në vendlindje, i cili prezentoi në ligjëratën dhe namazin e xhumasë, dhe për kënaqësi timen më dhuroi një vepër shkencore autoriale «SHTYPI DHE RELIGJIONI».
Ndonëse ishte një takim i shkurtër por ishte frytdhënës dhe përplot bereqet për të cilin i falenderoj dy profesorët e nderuar për kohën dhe bisedën. Që të dy janë intelektualë që pas vetes kanë një histori, mbartin ide dhe projekte të shkëlqyeshme për një të ardhme më të mirë të diasporës shqiptare.
Nga titulli i librit nxora një kuptim ndërsa pas rreshtave një mijë kuptime, dhe u dakorduam që së bashku të organizojmë një tribunë shkencore, për të diskutuar për disa prej këtyre kuptimeve nga këndvështrime të ndryshme edhe atë shumë shpejt.
Shkruan në facebook imami i Xhamisë së Bardhë në Arburg Nehaz Ismaili
/ms
