WizzAir, anulohen fluturimet nga Zvicra, Mërgimtarët të dëshpëruar..

Shumica e bashkatdhetarëve nga Zvicra tani po i shijojnë pushimet në vendlindje me më të afërmit e tyre.

Por ka edhe prej atyre që janë zhgënjyer në masë të madhe me anulimin e fluturimeve nga Kompania WizzAir.

Mendoja të nisem nesër me avion, por nga kompania në fjalë na dërguan mesazh se fluturimi është anuluar. Tani na mbetet të shqyrtojmë mundësinë të nisemi me veturë, edhe pse me dy fëmijë të vegjël.

Do të jetë një mund i madh”, pohon enkas për “Shtegu.com”, një bashkatdhetar nga Maqedonia e Veriut.
Një tjetër bashkatdhetar, po ashtu nga Maqedonia e Veriut, pohon se i është anuluar fluturimi nga Kompania WizzAir, edhe pse rezervimin e kishte kryer muaj më parë.

“Nuk kam tjetër mundësi vetëm se të nisem me veturë në këtë rrugë të gjatë e të mundimshme”, pohon bashkatdhetari i dëshpëruar jashtë mase. Nuk do të udhëtoj më asnjëherë me këtë kompani, pasi nuk është serioze, thotë më tej bashkatdhetari.

Në ndërkohë, një bashkatdhetare që tani gjendet në vendlindje, na ka dërguar mesazh se i është anuluar fluturimi i kthimit dhe se rrezikon ta humb punën.

Të shpresojmë se kjo kompani do t`i vendos gjerat në binarë të duhur e të jetë pak më serioze me fluturimet e bashkatdhetarëve.

/shtegu.com