El Çeka vazhdon me publikimin e materialeve të përgjuara, përmendet dhe rasti i Harun Aliut

Sheqerim Ahmedi i njohur si El Çeka ka nisur me publikimin e materialeve të përgjuara telefonike ku protagonistë janë zyrtarët e lartë të BDI-së, që sipas El Çekës janë të përfshirë në veprimtari të ulëta ndërsa përmendet edhe rasti i vrasjes së Harun Ailut.

Bisedat kryesisht janë mes Ali Ahmetit me Talat Xhaferin, Blerim Bexhetin e Musa Xhaferin, por edhe biseda tjera për raste të ndryshme. Publikimi i bisedave të përgjuara nga El Çeka vjen katër ditë pas vendimit të Gjykatës së Kërçovës e cila e dënoi me 1 viti burg me kusht nëse në dy vitet e ardhshme nuk kryen vepër të re penale.

Çeka më herët kishte paralajmëruar në maj mund të kthehet në Maqedoni, gjë që nënkupton edhe aktivizimin e vendimit të gjykatës për vuajtjen e dënimit. Ndërkohë avokati i Çekës vendimin e ka kundërshtuar duke paralajmëruar ankesë në Gjykatën e Apelit.

/Alsat-M