Kërçovë: Banorët e fshatrave bllokuan rrugët, kërkojnë të mos hidhen mbeturinat në hapësirat e xeherores..(VIDEO)
Me iniciativë të fshatit Garanë dhe me përkrahje të disa bashkësive të tjera lokale të ish-komunës së Osllomesë, dolën në rrugë për të protestuar për shkak se ndërmarrja Komunale e Kërçovës së fundmi ka nisur që mbeturinat t’i hedhë sërish në hapësirat e xeherores së Osllomesë.
Banorët dy vite më vonë po përballen me problemin e njëjte, andaj duke mos parë zgjidhje tjetër vendosën që nëpërmjet protestës të bllokojnë rrugën regjionale Kërçovë-Osllome për tre orë të tëra.
“Mbi 15 fshatra të kësaj ane të cilët janë të revoltuar për hedhjen e mbeturinave siç e dinë i gjithë opinioni dhe gjithë rrethina edhe më gjerë, që na hidhen në vendin e quajtur te TEC Osllomesë nëpër gropa.
Mos kënaqësia e kësaj popullate na ka sjellë deri te kjo protestë që jemi mbledhur sot”- deklaroi Sheip Dervishi -Kryetar i Bashkësisë Lokale f.Garanë.
Protestuesit thonë se për Deharin kanë ardhur mërgimtarët nga të gjitha vendet e botës dhe ai ua shpërblen duke ua hedhur mbeturina afër fshatrave të tyre.
“Kjo çfarë bënë Fatmiri nuk bëhet, sepse kanë ardhur familjarët tanë, fëmijë, vëllezër e miq prej Zvicre, prej Amerike të mos i përmendi të gjithë shtetet edhe e kemi votuar të na i sjellë mbeturinat nuk është mirë kjo çfarë bënë ai”- thotë një protestues.
Pak para protestës së sotme Dehari i ftoi në takim kryetarët e bashkësive lokale duke u munduar të gjejnë gjuhë të përbashkët. Siç thonë banorët ai ju ka ofruar qe ta lejojnë t’i hedhë mbeturinat edhe disa ditë në hapësirat e xeherores së Osllomesë dhe më pas ta ndërpresë hedhjen e mbeturinave atje. Por banorët nuk duan ta pranojnë një gjë të tillë, duke thënë së do të qëndrojnë në rrugë deri në zgjidhjen e këtij problem.
“Na lyp afat prej 20 ditësh që t’i hedhë mbeturinat e grumbulluara e më pas na jep fjalën që nuk do ta hedhë në atë vend ku e ka hedh deri më tani, por mosbesimi i banorëve, mosbesimi i fshatarëve të kësaj ane janë duke mos e pranuar atë sepse na ka thënë edhe disa vite më përpara dhe përsëri po vepron njëjte”– shtoi Sheip Dervishi.
Por kryetari i Komunës së Kërçovës thotë se në takimin e mbajtur para protestës me bashkësitë lokale u morën vesh që t’i japin afat 20 ditë që t’i hedhë mbeturinat atje dhe më pas do ta ndërpresë këtë veprimtari. Me këtë marrëveshje nuk është nënshkruar B.L. e fshatit Garanë, të cilët i kanë thënë se do të konsultohen me kryesinë dhe më pas do të vendosin.
“Deponia aktuale që është shndërruar në qytet, konkretisht tek ndërmarrja komunale të dislokohet në një periudhë kohore prej 20 ditësh në gropat e kombinatit dhe pas kësaj përfundimisht duke vlerësuar takimin me të gjithë bashkësitë lokale që në atë pjesë të mos hidhen mbeturina.
Në këtë rast ram dakord gjithë bashkësitë vendore nga të cilat nga të cilat pasuan nënshkrimet dhe presim që bashkësia lokale e fshatit Garanë të konsultohet me kryesinë”– deklaroi kryetari i komunës Fatmir Dehari.
Më 15 shkurt të vitit 2020 banorët me Deharin kanë nënshkruar një marrëveshje që të mos hidhen mbeturinat në atë pjesë të Kërçovës, por siç thonë ata, Dehari njëherë e ka shkelur këtë marrëveshje dhe druajnë se sërish do ta përsëritë.
VIDEO:
/tv21
