Maqedoni: Po rritet interesi për të punuar tokën..

Gjithnjë e më shumë kompani dhe qytetarë i janë drejtuar bujqësisë, veçanërisht muajt e fundit që nga fillimi i krizës së industrisë ushqimore.

Megjithatë, është e pasigurt nëse rritja e çmimeve të ushqimeve apo subvencioneve janë një nxitje e madhe për kompanitë e orientimit bujqësor.

Në periudhën e kaluar vihet re se ka një rritje drastike të numrit të kompanive të reja të regjistruara në fushën e kultivimit të drithërave dhe farërave vajore në Regjistrin Qendror, shkruan portali “Faktor”.

Sipas njoftimeve të Ministrisë së Bujqësisë, në prill të vitit 2022, numri i personave juridikë të regjistruar është rritur për 50 për qind krahasuar me të njëjtën periudhë të vitit 2011.

Ministria shton se kushtet që duhet t’i plotësojnë kompanitë për të marrë subvencione janë të njëjta si për ekonomitë bujqësore dhe kushti bazë është të regjistrohen.

Nga kjo ministri thonë se sipas pritshmërive të tyre, prodhimi i drithërave dhe lulediellit duhet të rritet nga 20 në 30 për qind në varësi të rajonit të prodhimit dhe mundësive të ujitjes.

/(INA)