Ziadin Sela nga Kërçova: Nuk është në traditën e shqiptarit ky nivel i ulët komunikimi
Ziadin Sela sonte ka vazhduar me takimet në vendbanimet e Kërçovës në kuadër të parafushatës ,,bashkëbisedim me qytetarët” i shoqëruar nga Nënkryetari Remzi Mehmedi dhe Kryetari i FRASH-it Omer Ajdini.
Sela ka folur me banorët e fshatit Shitovë për hallet dhe problemet me të cilat përballen kërçovarët.
Duke folur dhe për aktualitetin politik dhe zhvillimet e fundit në skenën politike, Sela ka shprehur shqetësimin e tij në lidhje me ashpërsimin e fjalorit mes aktorëve politik në vend.
”
“Kam shprehur shqetësimin për një dukuri shumë të shëmtuar që ditëve të fundit po e shohim tek po ndodhë, po dëgjojmë fraza të tipit ,,nëna, baba” dhe kjo po degradon dy gjëra më të shenjta për ne siç janë ,,nëna dhe babai”
Nuk i ngjanë traditës sonë shqiptare që të tallemi dhe të përçmojmë në këtë masë gjërat që për ne janë gjërat më të dashura dhe të shenjta.
Prandaj shfrytëzoj rastin t’u bëj thirrje të gjithë aktorëve politik pa dallim, që të heqin dorë nga niveli i ulët i komunikimit me publikun sepse nuk na ngjan dhe nuk është në traditën e shqiptarit. Në këtë mënyrë po e rrisni edhe më shumë dëshpërimin, duhet të jemi të përgjëgjshëm dhe të kujdesshëm sepse na ikën rinia, shkollat janë boshatisur, çdo ditë nga një shtëpie po i vihet çelësi. Kjo është shumë e dhimbshme.
Aleanca asnjëherë nuk do ta pranojë këtë lloj komunikimi të politikës me opinionin. Qëllimi jonë është të sjellim paqe, rehati, qetësi dhe pajtim mes vete sepse vetëm kështu mund të ecim përpara. Vetëm kështu mund të kthejmë shpresën tek rinia jonë dhe të ndalim lotët e nënave tona të vërteta”, është shprehur Sela para banorëve të rrethit të Kërçovës.
/in7.tv/
