Pendarovski del kundër Ali Ahmetit: Të mos isha president edhe unë do largohesha nga vendi..

E bujshme ishte deklarata e kreut të BDI-së i cili hiç më larg se dje në një emision debativ, tha që të rinjtë që lëshojnë vendin për jetë më të mirë, nuk janë patriotë.

Këtë deklaratë ai e bëri duke shtuar se nuk mund të gjithë të kemi nga 2.000 euro pagë.
“Me ju thanë njerzve pse po largoheni ju? Ju nuk jeni patriotra që e braktisni vendin.

Nuk mundesh tju a bësh 2.000 Euro rrogën“, janë fjalët e Ahmetit në emision.
Megjithë, pak kohë pasi mori postin e Presidentit, Stevo Pendarovski nga forumi i liderëve të rinj që u mbajt në Novi Sad u shpreh se po të mos ishte President, gjëja e parë që do të bënte, do të kishte qenë largimi nga Maqedoni.

Përkundër Ahmetit, Pendarovski madje mendonte që të çmendur janë ata që presin deri në anëtarësimin e plotë të Maqedonisë së Veriut në BE dhe paralelisht, përmirësimin e cilësisë së jetës këtu, përfshi këtu gjendjen socio-ekonomike.

“Ata kanë vetëm një jetë, të gjithë ne kemi një jetë, dhe askush nuk është i çmendur që ta harxhojë derisa bisedimet me BE-në zgjasin me vite. Në vendim tim paga mesatare është 400 euro. Të mos isha kryetar, do të shpërngulsha nga vendi”, tha Pendarovski.

Pavarësisht deklaratave të aktorëve politik dhe funksionarëve shtetërorë, të rinjtë ditë e më shumë po e braktisin vendin.
Arsyeja kryesore nuk po del të jetë vetëm gjendja ekonomike, por siguria dhe mirëqenia sociale.

Në çdo hulumtim dhe anketë që bëhet në lidhje me këtë temë, më shumë se gjysma e të rinjve janë pro largimit nga Maqedonia e Veriut dhe jo vetëm (vetëm për 2 muaj mbi 400 mijë aplikime për vizë janë bërë në Ambasadën gjermane në Kosovë nga qytetarët).

/GazetaExpress/Besian.L