Banorët e Garanës të revoltuar: Mos harroni se çdoherë iu kemi mbështetur.. (VIDEO)

Ditë më parë disa nga fshatrat e Ollomesë përmes TV21 reaguan për hedhjen e mbeturinave në hapësirat e ish xeherores së Osllomesë dhe se të njëjtat ndërmarrja komunale po i mbulon me dhe.

Ata kërkuan nga Kryetari i Kërçovës Fatmir Dehari të respektojë marrëveshjen për mos hedhjen e mbeturinave në atë lokacion. Kjo marrëveshje ishte nënshkruar para dy vitesh për situatën e njëjte, kur banorët protestonin.

Por Dehari këtë reagim të banorëve, sidomos të bashkësisë lokale në Garanë e quajti reagim politik.
“Në këtë rast fatkeqësisht një pjesë e Bashkësive lokale, konkretisht e kam vërejtur në Garanë, anëtarët e bashkësisë lokale më shumë i ngjajnë një strukture politike se sa të zgjedhur për tu marr me zgjidhjen e problemit për çështjet e qytetarëve”, deklaroi Fatmir Dehari, kryetar i komunës së Kërçovës. (29.03.2022)

Të prekur dhe të indinjuar nga kjo deklaratë reaguan nga bashkësia lokale e fshatit Garanë. Ata thonë se e kanë mbështetur Deharin katër mandate radhazi, por që nuk do t’i mbyllin sytë kur mbeturinat ju hidhen para këmbëve.

“Jua bëjmë me dije se ju prej fshatit tonë dhe banorëve keni qenë i mbështetur pa rezervë katër mandate si kryetar komune, ku mandatin e fundit e morët duke u thirrur në agjendën e gjelbër, ndërsa me veprimet që bëni po dëshmoni të kundërtën.

Kryetar, që kur kërkesa e banorëve për infrastrukturë, ruajtje të hapësirave të gjelbra e të mjedisit, kundërshtimi ndaj deponive, rrugë pa gropa, të asfaltuara, ndriçim publik dhe shumë kërkesa tjera jetësore të banorëve , ju i cilësoni si kërkesa politike?!”, thonë nga Bashkësia Lokale f.Garan.

Banorët thonë se do të qëndrojnë në kërkesat e tyre gjithmonë deri në realizmin e të njëjtave. Ndërsa nuk duan që assesi mbeturinat të hidhen në hapësirat e ish-xeherores së Osllomes, ku disa metra më lartë u hap edhe qendra fotovoltaike për prodhimin e energjisë elektrike diellore.

VIDEO:

/tv21