Ndotja, Kërçovë. Bekteshi: Nuk është qeveria kompetente për TE ‘Osllomej’. Rashidi: Shëndeti i qytetarëve kompetencë e kujt është?! (VIDEO)

Termoelektrana në Osllomej të Kërçovës, që konsiderohet si njëra nga ndotësit më të mëdhej në këtë pjesë të vendit, ende nuk i janë vendosur filtrat, përcjell in7.

Në lidhje me këtë disa herë kanë reaguar edhe nga opozita shqiptare, por deri më tani nuk është ndërmarrë asgjë.
Kështu deputeti i ASH-së, Syrja Rashidi për in7, thotë se ai dhe ASH tre herë kanë dërguar amandamete në lidhje me këtë, por pushteti i ka refuzuar dhe i ka hedhur poshtë.

“Si deputet i Aleancës për Shqiptarët tre herë resht kam dorëzuar amandamete për sigurimin e filtrave për termoelektranën në Osllomej. Nëherë kemi dorëzuar gjatë miratimit të buxhetit të vitit 2019, gjithashtu edhe gjatë reabalancit të të njëjtit buxhet dhe poashtu sivjet gjatë debatit për buxhetin dhe miratimin e buxhtit për vitin 2020.

Është e vërtetë se këto amandamente kanë rënë poshtë, pra nuk i ka pranuar ministri, përfaqësuesi i qeverisë, nuk i kanë pranuar as edhe deputetët e shumicës në votim.Mendoj se bëhet fjalë për një nevojë shumë urgjente që ka të bëjë me shëndetin e banorëve të Kërçovës. Unë çdo ditë kaloj andej dhe e shoh se si ndotet ajri pikërisht nga oxhaku i kësaj termoelektrane. Duhet gjithashtu të përmed, për opinionin, se diku në vitin 2015, qeveria ka miratuar një elaborat për përgatitjen e një projekti për modernizimin e termoelektranës Osllomej, ai projekt pa pasë për qëllim tre shtylla kryesore, e para të zgjatet jeta punese e termoelektranës duke e modernizuar atë, qëllimi i dytë ka qenë siguri i lëndës së parë djegëse nga burimet tjera alternative dhe shtylla e tretë ka qeënë sigurimi masave preventivë për ndotjes, konform rregullqtivës evropiane. Ne pikërisht këtë kemi kërkuar, që së paku ky elemet, ky dimezion, me para të siguruara nga buxheti i shtetit ta eliminojë rrezikun e ndotjes së ajrit. Dua të theksoj se sipas këtij elaborati janë paraparë diku deri në 126 milionë euro, mjete këto të cilat është dashur që të sigurohen nga buxheti i shtetit.”,ka thënë për in7, deputeti i ASH-së, Syrja Rashidi.

Këtu vlen të theksohet se vetë qeveria vite më parë në projektin e saj të për modernizimin e termoelektranës Osllomej kishte paraparë diku 126 milion euro të cilat do të shfrytëzoheshin për vendosjen e filtrave të cilat do ta parandalonin emetimin e gazrave ndotës .

Ndërkaq tani, ministri i Ekonomisë së Maqedonisë së Veriut, Kreshnik Bekteshi ,në pyetjen e gazetarit të in7 në lidhje me këtë thotë se nuk mund të intervenohet përmes buxhetit të shtetit tek shoqëritë aksionare, pasi ata nuk bëjnë pjesë në kuadër të buxhetit të shtetit, e njëjta gjë ven edhe për termoelektranën në Osllomej.

“Sa i përket amandamenteve të propozuara nga ana e opozitës, unë kam pas debate me ta për këtë, por duhet marrë parasysh se nuk mund të dorëzohen amandamente për shoqëri aksionare që nuk janë në kuadër të buxhetit të qeverisë, sa i përket centralene të Maqedonisë së Veriut e kanë buxhetin e veçantë, duke përfshirë këtu edhe ndërmarrjet publike, pra duhet që qytetarët të kenë të qartë procedurat se si funksionon shteti, andaj amandamenti për atë çështje nuk mund të dorëzohen në propozim buxhete të ndryshme, kjo është mungesë e dije, po njëkohësisht edhe manipulim i drejtëpërdrejtë i opinionit, pra SH.A. Centralet e Maqedonisë së Veriut nuk është në kuadër të buxhetit të Maqedonisë së Veriut”, ka thënë minstri ,Kreshnik Bekteshi për in7.

Në lidhje me këtë deklarim të ministrit, Bekteshi, deputeti Rashidi thotë, nëse investimet në termoelektranë nuk janë kompetencë e qeverisë, atëherë shëndeti i qytetarëve në kompetencë të kujt është, sipas tij qeveria ka mekanizma për të parandaluar këtë por duhet vullnet.

“Poashtu dëgjova se flitet që investimet në termoelektanën Osllomej nuk janë kompetencë e qeverisë, por shtrohet pyetja shëndeti i qytetarëve kompetencë e kujt është. Qeveria ka mekanizma të tjerë për të ndalur punën e një ndotësi të ambientit, ka inspektorë, në rast se termoelektana nuk i respekton standardet e parapara për mbrojtjen e ambientit, atëherë duhet dërguar inspektorët e të ndajohet puna e termoelektanës.”, ka thënë deputeti Rashidi.
Banorët ankohen se ajri është i ndotur, ndërsa tek shumë persona janë paraqitur simptoma të sëmundjeve të ndryshme që shkaktohen nga ndotja e ajrit. Ata janë të shqetësuar dhe deklarojnë se nuk punojnë filtrat.

VIDEO: