Pishina e Kërçovës: U premtua për 18 muaj, u mbushën 25 muaj..! (VIDEO)

Kjo pishinë e mbyllur do të ishte e para e këtij lloji në Kërçovë, por ende nuk është përfunduar. Afati për realizim ishte 18 muaj. Gurthemeli u vu në shkurt të vitit 2020, andaj deri në verën e viti 2021 duhej të ishte në funksion.

“Dy vjet më parë në shkurt të viti 2020 përfaqësuese nga Agjencia për Rini dhe Sport, kryetari i Komunës së Kërçovës Fatmir Dehari me kabinetin e tij dhe Ministri i Ekonomisë, Kreshnik Bekteshi, me përfaqësues të kabinetit të tij qëndruan në Kërçovë dhe hodhën gur themelin për ndërtimin e një pishine të mbyllur këtu në Kërçovë.

Afatin të cilin e dha drejtori i Agjencisë për Rini dhe Sport ishte 18 muaj deri në përfundim, ndoshta edhe më herët, por edhe pse kanë kaluar dy vite të plota, nga kjo pishinë është ndërtuar vetëm objekti d.m.th. vetëm faza karabinë dhe asgjë tjetër”, raporton Salije Sadiku, gazetare TV21.

Vlera e projektit është 43 milion denarë. Financohet nga Agjencia për Rini dhe Sport, zv/drejtorin i së cilës, Amir Bilallin, për vonesën dhe kalimin e afatit të realizimit shprehet i indinjuara nga kompania e cila realizon punimet.

“Nga kompania që realizon ndërtimin jemi informuar se gjendet në fazën e montimit të paneleve anësore të konstruktit. Për arsye të disa problemeve të shfaqura përgjatë realizimit të ndërtimit, ka pasur vonesa në realizimin në kohë të këtij investimi kapital.

Nga Agjencia për rini dhe sport janë realizuar të gjitha obligimet dhe nuk ka ngecje për realizimin e projektit. Gjithashtu si institucion që realizon investimin kapital shprehim indinjatën tonë për vonesat e punës nga kompania që realizon ndërtimin e pishinës në Kërçovë, pasi që ky investim ka rëndësi të veçantë për qytetin e Kërçovës“, tha Amir Bilalli, zv/drejtor i Agjencisë për Rini dhe Sport.

Para dy vitesh, për të vënë gurthemelet e këtij projekti, pat qenë edhe ministri i Ekonomisë, Kreshnik Bekteshi, i cili pishinën e quajti investim që i ka munguar Kërçovës, ndërsa bashkë me kryetarin e Komunës, Fatmir Dehari dhe premtuan realizim edhe më shpejtë se afati i caktuar kohorë.

“Është një investim që i ka munguar komunës së Kërçovës, por njëkohësisht jepet edhe mesazhi se objekte të këtilla me rëndësi në veçanti për rininë e vendit tonë nuk ndërtohen vetëm në Shkup”, tha Kreshnik Bekteshi, ministër i Ekonomisë.

“Në përmbylljen e tij siç e përmendi drejtori në dinamikën e paraparë pas 18 muajve, ndoshta edhe më herët të jetë dhe në shërbim”, pohoi Fatmir Dehari, kryetar i Kërçovës.

VIDEO:

/tv21