Numri i shqiptarëve që jetojnë në Maqedoni është ulur për 63.000, apo sa një qytet si Kërçova..

Enti Shtetëror i Statistikave në Maqedoni sot ka shpallur rezultatet e regjistrimit të popullsisë, amvisërive dhe ekonomive familjare.

Sipas rezultateve zyrtare të ESHS, në Maqedoninë e Veriut për momentin jetojnë 24.3 për qind, respektivisht 446.321 shqiptarë.

Në krahasim me regjistrimin e vitit 2002, numri ka rënë për 63.223 banorë (në vitin 2002 në Maqedoninë e Veriut kanë jetuar 25.2 për qind, respektivisht 509.544 shqiptarë), shkruan Almakos.

Përafërsisht, tani në Maqedoninë e Veriut jetojnë më pak shqiptarë sa ka gjithsej banorë një qytet si Kërçova (me rrethinë). Kjo ulje është e çuditshme kur kemi parasysh se nataliteti tek shqiptarët ende është në nivel të mjaftueshëm për të kompensuar “minusin” që shkakton mortaliteti dhe procesi i migrimit.

Që do të thotë se edhe po të mos ishte rritur, numri i shqiptarëve që jetojnë në Maqedoni (rezidentë), do të duhej të jetë në nivel si në vitin 2002 (mbi 500 mijë), ose 30 për qind nga numri aktual i popullsisë, e që së bashku me numrin e diasporës do të kalonte 35 për qindëshin.

Ndoshta për të mbuluar këto dyshime, ESHS ka publikuar rezultate paksa të koklavitura, rezidentë, jo rezidentë, me imputim, pa inputim, e kështu me radhë.

Sipas ESHS, Janë regjistruar gjithsejë 2. 097 319 persona.
Rezident: 1. 836 713

Jo rezident: 260 606
Nga numri i përgjithshëm i qytetarëve të regjistruar:

54, 21 për qind maqedonas
29.52 për qind shqiptarë

3.98 për qind turq
2, 34 për qind rom

1.18 për qind serb
0.87 për qind boshnjak
0.44 për qind vlleh

Nga numri rezident:
Maqedonas 58.44%
Shqiptarë 24.03 %
Turq 3.86 %
Romë 2.53%

Vlleh 0.47 %
Serb 1.3%
Boshnjak 0.87 %

Nga numri jo-rezident
Maqedonas 66.36 %
Shqiptarë 24.45%

Turq 4.79%
Romë 1.02%
Vlleh 0,19%
Serb 0.35%
Boshnjak 0.81 %

/infoshqip