Ndërsa gratë në botë festojnë. Ukrainkat kanë kapur armët luftojn..

Ndërkohë që gratë nëpër botë sot mbajnë në duar lule, mijëra të tjera në Ukrainë në vend të buqetave kanë marrë në duar armët për të mbrojtur vendin e tyre, shkruan Alsat.

Në twitter qarkullon një video ku një ekip i grave në uniforma ushtarake urojnë 8 marsin, duke thënë se ato janë gratë e Ukrainës dhe janë të bekuara të mbrojnë vendin e tyre.

“Ne jemi gra të Ukrainës. Ne kemi bekuar njerëzit tanë për të mbrojtur tokën tonë. Ne i kemi çuar tashmë fëmijët tanë në vend të sigurt. Kombit është i mbrojtur në mënyrë të besueshme. Ne bashkohemi me burrat dhe ushtrinë ukrainase.

Ne do të shkatërrojmë armikun në çdo pëllëmbë të tokës ukrainase në çdo qytet, çdo fshat, pyll dhe fushë. Për çdo fëmijë, grua, plak, shtëpi të rrënuar, rrugë, edhe hambar, do t’ju pushkatojmë si qen të tërbuar. Lavdi Ukrainës!”, tha një Ushtare e Ukrainës.

Mijëra të tjera në njërën dorë mbajnë valixhet e në tjetrën fëmijët, rrugës drejt vendeve më të sigurta. Katerina Pavlovna, në këtë 8 Mars tha se gratë ukrainase janë të forta dhe u bëri thirrje që të mendojnë pozitivisht.

“Unë do të doja t’u uroj grave të qëndrojnë të forta, të mendojnë qartë dhe pozitivisht. …Gratë ukrainase janë më të fortat në shpirt, gjithçka do të jetë mirë. Ne besojmë në ta”, u shpreh Katarina Pavlovna, grua refugjate ukrainase.

Nataliya Grigorova Levchenko, 65 vjeç, udhëtoi për 36 orë me vajzën dhe nipin e saj nga shtëpia e tyre në rajonin Donjeck të Ukrainës.
“Çfarë mund të thuhet? Më duket sikur jam në një të tmerrshme që vazhdon. Do të isha në një lloj abstraksioni nëse nuk do të ishte vajza ime.

Nuk do të mund të vija në vete. Ne lamë gjithçka, familjen time, miqtë, gjithçka për të cilën jetuam, gjithçka mbetet pas”, pohoi Nataliya Grigoriyovna Levchinka, refugjate ukrainase.

Për dallim prej tyre, disa të tjera nuk ishin aq me fat, pasi bombardimet ruse ua ndërprenë rrugëtimin në gjysmë.

/ Alsat.mk