9,3 milionë euro për zgjedhjet e parakohëshme të 12 prillit ! (VIDEO)

Komisioni Shtetëror i Zgjedhjeve planifikon që për aktivitetet zgjedhore për zgjedhjet e parakohshme parlamentare të shpenzojë 571 milion e 500 mjë denarë. Prej tyre, pjesa më e madhe rreth 400 milion denarë, ose 6.5 milion euro planifikohet të shpenzohen për financim të fushatës mediatike për partitë politike, pjesmarrëse në zgjedhje.

Oliver Derkovski, Kryetar i KSHZ-së
“Për këtë qëllim për zgjedhjet presidenciale ishin shpenzuar rreth 3 milion e 800 mijë euro, ndërsa kishim vetëm 3 kandidatë. Tani në buxhet janë paraparë më shumë se 233 milion denarë, por për gjërat tjera kemi rezerva që të plotësohen diku deri në 400 milion denarë.

Domethënë ka mjete të mjaftueshme. Vlerësoj se mund të ketë nevojë që të plotësohet ky artikull.”

KSHZ në seancën e sotme e miratoi planin për furnizime publike që kanë të bëjnë me funksionimin e rregullt të Komisionit, por edhe për realizimin e aktiviteteve zgjedhore.

Përndryshe zgjedhjet e parakohëshme parlamentare janë paraparë për më 12 prill, ndërsa aktualisht Maqedonia e Veriut ka Qeveri teknike 100 ditë para zgjedhjeve që do të angazhohet me organizimin e tyre. Aktualisht po zhvillohen bisedimet mes partive politike për ndonjë koalicion të mundshëm parazgjedhor, por akoma asgjë konkrete lidhur me këtë çështje.

Ajnur Bafqari /SHENJA/

VIDEO:

https://www.youtube.com/watch?v=2ekflg9bhLA