Këta hipokritë nuk e dijnë se si është ti ushqeshë fëmijët me pagë minimale..

Ky debati për rritjen e pagës minimale po merr kahje shumë tragjike në disa raste.
Vetëm tua rikujtoj se ndryshimet e rregullave nga pushteti nuk kanë shumë ndikimin tek bizneset që punëtorin e mbajnë pa sigurim shëndetësor, e paraqesin me pagë minimale, nuk ia paguajnë orët shtesë, i ikin tatimeve dhe mundohen të fitojnë 500% në çdo produkt.

Në fakt, ato janë komplet jashtë sistemit dhe ndryshimet brenda në sistem nuk është që kanë ndonjë ndikim tek ata, po veç haj qaty me thënë najsen.

Nuk duhet paga minimale ti alarmoj bizneset se jeta është shtrenjtua.
Nuk duhet biznesmenit që posedon kompani private t’ia kujtojë shteti se punëtori i tij me rrogën që e merr mundet ta paguaj vetëm faturën e rrymës.

Edhe më tragjike është se kjo hipokrizi e madhe është e iniciuar nga njerëz që kurrë nuk kanë jetuar me 12 000 denarë në muaj dhe nuk e dinë se si është ti ushqesh fëmijët me pagë minimale.

Hajde bashkë të shkojmë në çdo fshat, çdo lagje dhe ti pyesim ata burra e gra të guximshëm, që nuk e lënë vendin e vet për asgjë në botë, se si po ia dalin çdo muaj!

/Furkan Saliu /ina