Kërçovë fëmija me sindrom down nuk mund të mësojë në gjuhën shqipe.. (VIDEO)

Ky është 11 vjecari Arieli 11 me sindrom down. Nëna e ka ditur që në muajt e parë të shtatzënisë që Arieli është me sindrom, por ka vendosur që ta lind dhe rrisë ashtu si është. Për prindërit filluan vështirësitë kur Arieli duhej të filloj në shkollë.

Në fshatin Kolibar dhe Greshnicë nuk kishte kushte, andaj prindërit e sollën në Shkollën Fillore “Sande Shterjoski” në Kërçovë. Aty ka klasë speciale për fëmijët me nevoja të veçanta, por mësonte vetëm maqedonisht.

“Prej ditën e parë që ka filluar në shkollë, mëson në gjuhën maqedonase, si prindër kam kërkuar te këtë defektolog dhe të mësoj në gjuhën shqipe sepse ja lejon kushtetuta me ligj, por të gjithë ata që i kam kërkuar kanë hasur në vesh të shurdhët, nuk janë marr parasysh”, tregon babai i Arielit.

Drejtori i shkollës tregon se pse shkolla nuk ka paralele në gjuhën shqipe.
“Me ligjin e ri prej vitit të kaluar shkolla jonë fitoi statusin si shkollë për nxënës me nevoja te veçanta, shkollë për përkrahje, ku qendrën e kemi në Manastir në shkollën “Koço Racin” shkollë e cila nxënësit që kanë pengesa në zhvillim dhe në të folurit duhet të bëjnë kategorizimin në të ashtuquajturën MKF (Klasifikimi Ndërkombëtar i Funksionimit) dhe pasi të bëhet kategorizimi atyre u takon edhe asistent arsimor apo asistent personal”, tha Rrahim Pinjolli, drejtor sholle në “Sande Shterjoski”.

Babai i Arielit thotë se djali i tij ka kategorizim mjekësorë nga mjekët, por ai sërish për të respektuar ligjin ka kontaktuar me qendrën në fjalë që para dy vitesh, por që ende se kanë thirrur për termin. Ai edhe gjatë kohës që ishte me ne disa herë të binte në kontakt me qendrën në fjalë, por ishte e pa mundur.

“Në qershor na thirrën, neve si prindër me kështu fëmijë se duhet të bëjë një lloj kategorizimi të fëmijëve MKF. Se çfarë është ajo se di. Në Shkup na dhanë nga një numër telefoni, jam paraqit dy herë jam dëgjuar me ata. Përgjigja e tyre ka qenë se do të thirrim, dhe sot e kësaj dite gati dy vjet as kanë thirr as termin”, shprehet më tej babai i Arielit.

Problemi tjetër është se që kur ka filluar pandemia Arieli nuk shkon në shkollë. Njëherë mësimi ishte online, por edhe kur nisën me prani fizike Arieli nuk është thirrur në shkollë.
“Prej kur filloi Covidi gjysmën e vitit nuk mësuan, pastaj nuk mësuan një vit dhe tash nuk mësuan as gjysmë vjetorin e parë, menduam se do të fillojnë gjysmë vjetorin e dytë por nuk kanë filluar ende”.

Drejtori i shkollës tha se kjo ka ndodhur për shkak se defektologia ka qenë e prekur nga Covid 19 dhe se disa nxënës kanë qenë të prekur.
“Nuk filluan në shtator dhe filluan vetëm mësim online, për shkak të situatës momentale të COVIDIT, për shkak të numrit të madh të infektimeve, kështu që edhe vetë mësuesja një kohë ka qenë e izoluar, gjithashtu edhe familja e saj edhe nxënës kësaj paralele me këtë infektim”.

Drejtori premtoi që kjo kategori e nxënësve me nevoja të veçanta do të fillojnë me mësim ditët në vijim, ndërsa për rastin e Arielit ai premtoi se sapo prindërit të sjellin kategorizimin e Arielit nga MKF ai do të angazhohet me shkollën e Manastirit që Arielit t’i sigurohet një defektolog në gjuhën shqipe, që ai të mund vazhdojë shkollimin në një klasë normale.

VIDEO:

/tv21