Qytetarët kan humbur shum para në BigCommerce me shpres për të fituar..?! (VIDEO)

Duket se qytetarët e Maqedonisë së Veriut janë të pambrojtur nga skema e mashtrimit në Big Commerce+.
Kjo pasi siç bëri të ditur ministri i Shoqërisë Informatike dhe Administratë, Admirim Haliti në ClickPlus në TV21, shteti është e limituar që t’i mbrojë qytetarët nga kompani fiktive siç është Big Commerce+.

“Tash kur bëhet pyetja se shteti çfarë mekanizma ka, më duhet ta konstatoj se shteti në fakt është i limituar që t’i mbrojë qytetarët nga këto skema sepse në parim, shteti, nëse ndonjë person juridik, ndonjë kompani e regjistruar në Maqedoni bën dallavare, gjegjësisht i dëmton qytetarët, në ato raste shteti e ka shumë të lehtë ta përndjek personin juridik.

Por, në rastin kur firmat e caktuara fiktive, siç është Big Commerce+, origjinën nuk e kanë këtu te ne, e vetmja mundësi që e ka shteti është t’u dërgojë kërkesë “internet service provider”-ëve që ata ta bllokojnë një IP të caktuar”, tha Haliti.

Për informaticientët kjo nuk do të thotë asgjë pasi ata e dinë shumë se IP adresat mund të ndërrohen shumë shpejtë.
“Kështu ata vazhdojnë mashtrimin e tyre”, tha më tej Haliti.

Fida Iseni, thotë se kjo do të paraqet një investim në diçka që mund të zhduket hë për hë.
Për momentin vlerëson se bursa e kriptomonedhave ka rënë. Edhe nëse ka rritje, thotë se ajo sërish do të bie,

“Edhe nëse kthehet, sërish do të bie. Për momentin mund të them se ka rënë. Më vjen keq ta them se do të ketë shumë persona që thonë se kanë rënë pre e këtij mashtrimi, por fatkeqësisht shpresat janë të vogla. Kjo është më e keqe sepse nuk njohim as njerëzit”, tha Iseni.

VIDEO:

/tv21