Sa mirë të jesh deputet në Maqedoni shum para për pak dit pune..

Informacionet se deputetët e Maqedonisë në vitin 2021 kanë punuar vetëm 77 ditë, kaanë shkaktuar një sërë reagimesh në opinion. Qytetarët me të drejtë kërkojnë nga deputetët me nder të meritojnë pagën e majme që e marin në Kuvend dhe bonuset e tyre, transmeton Zhurnal.

Në kohë kur Maqedonia ndodhet para shumë sfidave serioze, sjellja e tillë e deputetëve nuk është aspak serioze, sepse pritjet janë që aty të sillen ligje për të lehtësuar jetën e qytetarëve, e jo mandatin ta harxhojnë pa produktivitet dhe jo efikasitet.

I pari i Kuvendit, Talat Xhaferi, arsyetimin për numrin e pakët të ditëve të punës së deputetëve e bazon në zgjedhjet lokale, periudhë kur Kuvendi nuk mund të punojë.
“Këtë vit kishim edhe zgjedhje lokale, të cilat imponojnë kufizime të caktuara në rregulloren për punë të Kuvendit, për punë në kohë zgjedhore, kështu që në këtë periudhë nuk mbajtën seanca plenare dhe të komisioneve”, sqaron Xhaferi.

Por, përshtypja që deputetët e lënë mes qytetarëve që është e shprehur përmes një statistike të tillë, është e pakënaqur.
Profesori universitar Borçe Davitkovski konsideron se derisa deputetët në Kuvend nuk zgjedhen sipas modelit të shumicës, ata do të sillen kështu të pa interesuar.

“Deputetët janë të përzgjedhur nga partitë, nu kjanë propozuar nga populli, kështu që ata i mbrojnë interesat e partisë politike që i ka propozuar. Të ishte principi i shumicës, do të ishte tjetër situatë. Kemi 1001 probleme nga jeta e përditshme në shtet ku qytetarët kanë nevojë për zgjidhje urgjente, qoftë në pjesën e energjetikës, ndotjes, zjarreve, shëndetësisë…

Nëse kishim deputetë të vërtetë, të cilët nuk janë ushtarë partiak por përfaqësues të popullit, ata do të duheshte të gjejnë zgijdhje për këto probleme. Kjo ngeci në punën e tyre. Tani vetëm na tregojnë sa seanca janë mbajtur, sa komisione, sa ligje janë sjellur, kaq në procedura të rregullta, kaq në të shkurtëra, statistikë e pastër dhe populli ngelë me gishta në gojë”, thotë Davitkovski, përcjellë Zhurnal.

Një mëditje ditore sa një pagë minimale?
Mbulesa mujore në bazë të pagës të deputetëve lëvizë rreth 70 mijë denarë, pa harxhime të rrugës. Kjo do të thotë se paga e tyre vjetore është 840 mijë denarë, apo 13,500 euro.

Nëse sivjet (2021) deputetët kishin vetëm 77 ditë pune, del se mëditja e tyre ditore ka qenë rreth 11,000 denarë, në kohë kur për një qytetar të thjeshtë ajo shënon rreth 600 denarë. Deputetët për një ditë kanë marë pothuajse sa një pagë minimale të qytetarit të thjeshtë.

Madje, deputetët shfrytëzuan edhe pushim një mujor, më pas nuk punuan as gjatë heshtjes zgjedhore, që dmth e kanë tejkaluar numrin e ditëve të paraparë për pushim vjetor sipas ligjit. Nga këtu del revolta dhe pakënaqësia tek qytetarët, të cilët kërkojnë nga deputetët të punojnë me nder dhe ti meritojnë ato paga që i marin.

//Zhurnal.mk