Mërgimtarët të revoltuar me pritjet e gjata për të hyrë në vend..

Në zonën mes dy kufijve ka shumë vetura dhe autobusë të cilët presin me orë të tëra, shkruan Alsat.
Mërgimtarët të cilët po kthehen për pushime në vendlindje tregojnë se përpos në Tabanoc, në asnjë pikë tjetër kufitare nuk kanë pritur më shumë se pesë minuta. Ata thonë se janë lodhur nga pritja e gjatë.

Nga policia kufitare thonë se kanë rritur kapacitetet e shërbimeve dhe kanë hapur sportele shtesë.
Për vonesat e shkaktuara, fajin e hedhin tek protokollet kundër koronavirusit.

“9 sportele janë lëshuar. Ka qytetar që nuk janë të informuar për protokollet dhe nuk kanë PCR test, ose vërtetim të vaksinave”, thotë Arben Ameti, zv/Komandant Tabanoc.
Fluksi i madh dhe pritjet e gjata në pikat kufitare kanë filluar ditë më parë.

Mbrëmë disa mërgimtar në adresë të Alsat dërguan pamja ku shiheshin radhët e gjata të autobusëve dhe automjeteve që presin radhë. Pamje të ngjashme me pritje të gjata në Tabanoc zakonisht ka dy herë në vit, gjatë verës dhe dimrit kur mërgimtarët vijnë në pushim.

VIDEO:

/ Alsat.mk