“Pucko Petrol” fiton tenderët, 560 mijë euro nga komuna e Gostivarit dhe 227 mijë euro nga Kërçova..

“Pucko Petrol” mbush arkën, fiton tenderët 560 mijë euro nga komuna e Gostivarit dhe 227 mijë euro nga Kërçova
Kompania e naftës “Pucko Petrol” e familjes Jaoski, gjegjësisht deputetit të BDI-së.

Ismail Jaoski vazhdon të përfitojë tenderë të majmë në vend. Ajo vetëm këto muaj ka arkëtuar miliona euro nga shitja e derivateve të naftës, përcjell INA.

Ndërsa së fundi ka fituar tenderët e komunave të Gostivarit dhe Kërçovës për furnizimin e shkollave me vajin ekstra të lehtë (EL-1).
Komuna e Gostivarit ka nënshkruar marrëveshje për blerjen e vajit ekstra të lehtë për amvisëri për ngrohjen e objekteve shkollore në territorin e Komunës së Gostivarit dhe atë administrative.

Vlera e kontratës është 34.499.129 denarë ose 560.961 euro.
Po ashtu për të njejtat shërbime kjo kompani ka fituar tendering e komunës së Kërçovës. Kontrata është në vlerë prej 13.971.200 denarë ose 227.174 euro.

/(INA)