Përplasi për vdekje këmbësorin, iku nga vendi i ngjarjes..

Prokuroria Publike ka njoftuar se është ngritur aktakuzë ndaj një 25-vjeçari nga Shkupi, pasi i njëjti, më 4 dhjetor kishte përplasur me veturë një këmbësor.

Pas kësaj, ai kishte ikur duke mos ofruar ndihmë ndaj këmbësorit, i cili më pas ka vdekur. Nuk ka poseduar patentë shoferi dhe ka qenë nën ndikim të alkoolit.

“Më 4 dhjetor, i dyshuari 25-vjeçar, ka ngasur veturë Ford Fokus në pronësi të babait të tij, pa poseduar patentë shoferi, nën ndikim të alkoolit prej 1.65 promila dhe me prani të tretrahidrokanabinolit në gjak dhe urinë

. Në udhëkryqin te rruga “Maxhari” me rrugën “Palmiro Tolati”, nuk ka respektuar sinjalizimin rrugor me përparësi kalimi, kurse shpejtësinë e veturës nuk a ke adaptuar me kushtet e rrugës dhe me dendësinë e komunikacionit.

I vetëdijshëm se për shkak të kësaj mund të shkaktojë pasoja të dëmshme, me veturën të cilën ka qenë duke e ngasur, ka sulmuar në pjesën e prapme të biçikletës. Pas fatkeqësisë, në vend se të ofrojë ndihmë, i dyshuari e ka lëshuar vendin.

Ngasësi i biçikletës ka pësuar lëndime, pas çfarë ka ndërruar jetë në vendngjarje”, thuhet në njoftimin e Prokurorisë, transmeton TV21.
Për 25-vjeçarin është caktuar edhe masa e paraburgimit.

/alsatm