Leonardo DiCapro gjest fantastik për Shqipërinë..
Aktori me famë botërore Leonardo DiCaprio dhe njëkohësisht aktivist i mirënjohur për çështjet ambjentaliste, ka shfaqur gjithnjë interes për çështjen e lumit Vjosë në vendin tonë.
Ai ka bëri disa herë apel në rrjetete sociale që mos të bëhet asnjë ndërhyrje në këtë lumë, duke përmendur edhe vlera e tij. Edhe ditën e sotme, ai e ka risjellë në vëmendje të ndjekësve këtë çështje.
Leo u ka bërë thirrje miliona personave të tij në rrjetet sociale të firmosin peticionin për mbrojtjen e lumit Vjosa nga ndërtimi i hidrocentraleve dhe për krijimin e Parkut Kombëtar të Vjosës.
Lumi Vjosa i Shqipërisë është një nga lumenjtë më të mëdhenj në Europë. Që prej maleve të Greqsë dhe deri në detin Adriatik në Shqipëri, ai shtrihet për 300 km, krejtësisht i lirë nga barrierat artificiale si hidrocentralet.
Lumenjtë dhe përrenjtë që derdhen në Vjosë janë habitati i mbi 1100 specieve të egra, shumë prej të cilave janë të kërcënuara. Vjosa është kurora e zemrës blu të Europës dhe njerëz nga e gjithë Shqipëria duan që ta mbrojnë përgjithmonë.
Ata po i kërkojnë qeverisë që të krijojë Parkun Kombëtar të Vjosës, çka do e shndërronte atë në parkun e parë të një lumi të lirë në Europë. Bashkojuni atyre. Shihni dhe shpërndani filmin “Vjosa Forever” dhe firmosni peticionin.
Por, nuk është mjaftuar me kaq. Për ta bërë këtë peticion edhe më gjithëpërfshirës dhe për t’i dhënë rëndësinë e duhur e ka vendosur linkun e peticionit edhe në “bio-n” e profilit të tij në Instagram.
Kundër ndërhyrjeve në këtë lumë kanë qenë shumë artistë të njohur megjithatë reagimi i Leonardo DiCaprio është për t’u vlerësuar duke qenë se fjalët e tij lexohen nga miliona ndjekës.
Ndonëse shumë personazhe publike shqiptare qëndrojnë në heshtje rreth kësaj çështjeje Leo s’ka ndërmend të ndalet, pasi duket se e ka kuptuar mirë rëndësinë dhe vlerat natyrore e ekonomike të Vjosës, ndaj të cilës ka krijuar edhe një ‘dobësi’. Epo, s’na mbetet gjë tjetër për t’ju thënë veçse urojmë të gjeni dikë i cili t’ju dojë kaq shumë sa do Leo Vjosën tonë.
/ms
