Austri: Nga sot, rregulla të reja COVID-19..

Ambasada e Shqipërisë në Vjenë ka bërë një njoftim të ri të rregullave që sot do të implikohen në shtetin austriak, shkruan albinfo.at.

Sipas rregullave thuhet se: Për shkak të rritjes së numrit të infeksioneve, nga dita e sotme, më 8.11.2021, rregulli 2G ka hyrë në fuqi në gjithë Austrinë.

Rregull tjetër, vetëm ata që janë vaksinuar dhe ata që janë shëruar kanë akses në hotele, restorante, parukeri ose në evente me 25 ose më shumë persona.

Po ashtu, maska FFP2 është e detyrueshme në të gjitha ambientet publike, dyqane, muze, biblioteka, koncerte etj.
Nga sot, pasaporta jeshile me vaksinim humb vlefshmërinë e saj pas nëntë muajsh, pas së cilës është e nevojshme doza e tretë e vaksinës.

Respektimi i masave të shtrënguara monitorohet nga autoritetet shëndetësore vendase, me mbështetjen e policisë.
Gjithashtu, klientët dhe mysafirët që nuk i përmbahen rregullit 2-G përballen me një gjobë administrative.

/Albinfo.at