BDI bën thirrje të votohet LSDM..! (VIDEO)

Zëdhënësi i BDI-së, Bujar Osmani, i bëri thirrje shqiptarëve të Shkupit që në rrethin e dytë të zgjedhjeve lokale të mbështesin kryetarin aktual të Qytetit të Shkupit, Petre Shilegov i cili shkon në balotazh me kandidaten Danella Arsovska e mbështetur nga VMRO-DPMNE-ja, shkruan gazeta LAJM.

“Ajo që konsideroj se është shumë e rëndësishme, është që të sigurojmë kontinuitetin e projekteve dhe zhvillimin e Qytetit të Shkupit në përgjithësi. Zhvillim që e imponoi kryetari i deritanishëm i Shkupit Petre Shilegov. Dua të potencoj se Shkupin e konsiderojmë një qytet krejt ndryshe nga ai që ishte para 4 viteve. Shkupi sot është qytet që padyshim tregon se mund të kujdeset për të gjithë qytetarët e vet.

Në këto katër vite pamë se si prioritet i qytetit mund të jenë edhe rajonet e banuara me shqiptarë. Në katër vitet e kaluara, pamë se si mund të zhvillohen edhe rajonet që padrejtësisht ishin të lëna anash në të kaluarën. Në këto katër vite pamë se çka do të thotë të ndërtohet një qytet multi-kulturor, një qytet që diversiteti gjuhësor, arsimi në përgjithësi dhe të ndërtohet besimi mes gjithë qytetarëve të Shkupit.

Shqiptarët këtë e respektuan dhe e kthyen në besim që në raundin e parë. Ky besim pres të përsëritet edhe në raundin e dytë dhe prandaj i ftoj të gjithë shqiptarët, pa dallim të përkatësisë partiake që t’i japin besimin kryetarit të deritasnishëm të Qytetit të Shkupit, Petre Shilegov, që do të jetë garancia më e madhe për kontinuitet të projekteve në mjediset ku jetojnë shqiptarët”, tha Bujar Osmani.

VIDEO:

/Gazeta LAJM