Humbi babain dhe gjyshërit nga tërmeti, vogëlushja: I shoh në ëndërr, por i dua këtu (VIDEO)

Mbrëmjen e sotme kryeministri Edi Rama ishte në familjen Greku me origjinë nga Thumana që është akomoduar te banesat sociale në Shkozë.

Kjo familje humbi nën rrënoja kryefamiljarët dhe një djalë.

Vogëlushja e familjes Greku, që humbi nën rrënoja babain dhe gjyshërit prek me fjalët e saj.

Pëllumb Greku bashkë me gruan dhe djalin e tij humbën jetën nga shembja e pallatit në Thumanë.

Por edhe djali i tyre Saimiri humbi jetën duke lënë pas gruan dhe dy fëmijë të vegjël.

Biseda me Ramën

Vogëlushja: Të kam parë në televizor

Edi Rama: Ku jam më mirë në TV apo kështu?

Vogëlushja: Kështu! U trondita për nënën dhe gjyshen që nuk i kam më…

Edi Rama: O Zot i madh, janë lart në qiell i do Zoti

Vogëlushja: Në ëndërr i kam parë 100 herë por i dua këtu

Edi Rama: Ata kanë shkuar në qiell, janë atje lart

Vogëlushja: Më thoshte gjyshi a ta çoj njëherë televiziorin të shikoj Edi Ramën? Unë i thosha dua të shikoj kukullat, ca do të shikoj tjetër sportin, budalliqe…

Edi Rama: Sa e mirë qe je?

Vogëlushja: Gocë më….

Edi Rama: Do të prezantoj me Zahon

Vogëlushja: Çun ke ti?

Edi Rama: Po, kam edhe një gocë dhe një çun unë të mëdhenj. Zahon do ta sjell ndonjë ditë ta prezantoj. Edhe ti të vish të luash me Zahon sa herë të duash. Çfarë ke dëshirë të sjellë plaku i vitit të ri?

Vogëlushja: Kukull të madhe

Edi Rama: Do ta porosisim një kukull të madhe

Vogëlushja: Dua dy kukulla Elsa dhe Ana…

Edi Rama: Ai çuni im merret me spidermana. Do më përqafosh mua që të iki?

Vogëlushja: Pse do ikësh? Rri

Edi Rama: Po mirë na bëj ndonjë muhabet që të rri. Kjo qenka fantastike

Vogëlushja: U mbush shtëpia plot, kështu kam qejf

VIDEO:

/tetovasot