Tërmeti i 26 nëntorit, publikohen pamjet e frikshme nga ambienti i brendshëm i një godine në Durrës (VIDEO)

Tërmeti i 26 nëntorit ishte një ndër fatkeqësitë më të mëdha që ka përjetuar Shqipëria përgjatë dekadave të fundit, ku si pasojë e lëkundjeve të fuqishme humbën jetën 51 persona, mes tyre fëmijë, gra, studentë, prindër e gjyshër, si dhe u plagosën qindra të tjerë.

Përveç jetëve të humbura, tërmeti i fuqishëm që goditi vendin shkaktoi edhe dëme kolosale materiale, ku qindra ndërtesa u shkatërruan dhe mijëra të tjera pësuan dëmtime të rënda.

Zonat më të prekur na kjo tragjedi natyrore ishin Durrësi dhe Thumana, pasi epiqendra e tërmetit ishte pranë këtyre zonave, duke bërë që fuqia goditëse të jetë më e madhe dhe më shkatërrimtare.

Pamje të shumta qarkulluan në media, ku shiheshin se si lëkundeshin pallatet apo kamionët e parkuar nga tërmeti i fuqishëm.

Një tjetër video e regjistruar në ambientet e brendshme të një godine në Durrës, tregon momentin e frikshëm të lëkundjeve të fuqishme.

Ndonëse u raportua që lëkundjet zgjatën 30 sekonda, në video kuptohet që tërmeti ka zgjatur disa sekonda më tepër.

VIDEO:

/tetovasot