Sllovnia nga nesër kërkon PCR test edhe për tranzit..

Qeveria e Republikës së Sllovenisë ka vendosur që prej datës 15 korrik 2021 të kërkojë certifikata për vaksinim, certifikata për shërim nga Covidi apo teste PCR ose antigjene, për tu futur në territorin e këtij vendi. Këto rregulla vlejnë edhe për kalim TRANZIT. Pra DUHET të jeni të vaksinuar, të keni dëshmi se jeni shëruar apo të keni një test me vete.

Testi PCR nuk mund të jetë më i vjetër se 72 orë, ndërsa antigjen jo më i vjetër se 48 orë. Këto rregulla vlejnë PËR TË GJITHË, pra jo vetëm ata që shkojnë me makina e autobusë, por edhe për shoferët e kamionëve… Kushtet vlejnë për të gjithë, pavarësisht nënshtesësisë. Ka vetëm dy përjashtime: 1) pa teste dhe pa karantinime në Slloveni mund të futen personat që kanë ndonjë pronë atje. 2) Teste nuk kërkohen për fëmijët e moshës nën 15 vjeç – nëse janë të shoqëruar nga prindi apo ndonjë kujdestar.

Kushtet për hyrje në Slloveni: – certifikata digjitale evropiane apo certifikata digjitale e një vendi tjetër, ku shihet se jeni vaksinuar, jeni shëruar nga Covidi apo keni bërë testet PCR që nuk është më i vjetër se 72 orë, ose antigjen jo më i vjetër se 48 orë. – Testet dhe certifikatat, librezat, mund të jenë natyrisht edhe në letër.

Personat që nuk kanë certifikata dhe teste do të karantinohet në shtëpi për dhjetë ditë. Në rastin e një të huaji pa qëndrim në Slloveni, ai lejohet të hyjë në Slloveni dhe dërgohet në karantinë në shtëpi për dhjetë ditë, vetëm nëse vërteton pa dyshim se ka një vend të garantuar për karantinë, përndryshe nuk lejohet të hyjë në Slloveni. Rrugë të mbarë!!!

/INA