Gruevski nuk është arrestuar në Hungari

Nikolla Gruevski nuk është arrestuar në Hungari. Ministria e Drejtësis, ka hedhur posht pohimet se ish kryeministri i Maqedonisë është arrestuar në Budapest, ashtu siç ka njoftuar “TV Srpski Kolektiv”, duke u thirrur në informata të kryetarit të Partisë Republikane të Serbisë, Nikolla Sandulloviq.

“Demantojmë edhe një prej shumë lajmeve të rrejshme këto ditë. I hedhim poshtë të pavërtetat e publikuara se Nikolla Gruevski është arrestuar dhe se Ministria e Drejtësisë nuk kërkon ekstradim. Opinioni e ka të njohur se Ministria e Drejtësisë, menjëherë pas arratisjes së Gruevskit, që vitin e kaluar, ka dërguar kërkesë për ekstradimin e të njëjtit.

Më 31 tetor të vitit 2019-të, Ministria e Drejtësisë së Hungarisë, na ka informuar se pas refuzimit të ekstradimit dokumentet janë dërguar në Prokurorinë e Hungarisë”, kanë bërë të ditur nga Ministria e Drejtësisë.

Ministria e Drejtësisë së Hungarisë gjithashtu ka informuar se prokurori publik ka vendosur të mos hapë procedurë penale, por as ndonjë masë tjetër kundër Gruevskit.

/shenja.tv