Futboll dhe ndihma, lojtarët e kombëtares befasuan fëmijët në Fushë-Krujë pas tërmetit

Tërmeti shkatërrimtar i 26 nëntorit ka lënë pas dhimbje dhe lot. Shqipëria po kalon momentet më të dhimbshme në historinë e saj, ku një tërmet i magnitudës 6.4 ballë mori 49 jetë njerëzisht dhe mijëra të tjerë i la me plagë dhe të pastrehë, njofton Ora News.

Solidariteti me të prekurit nga kjo fatkeqësi ka qenë e madhe dhe një fushatë ndërgjegjësimi ka marrë dhe Federata Shqiptare e Futbollit.

Dy futbollistët e kombëtares kuqezi, njëkohësisht dhe të kampionëve në fuqi të Kategorisë Superiore, Partizanit, Alban Hoxha dhe Lorenc Trashi kanë vizituar kampin e Fushë-Krujës, një prej zonave më të prekura nga tërmeti i pak ditëve më parë.

“Në vijim të fushatës së ndërmarrë nga Presidenti #Duka, punonjësit e FSHF dhe futbollistët e kombëtares, sot dy prej tyre #AlbanHoxha dhe #LorencTrashi vizituan kampin në Fushë-Krujë,ku dhuruan fanela të kombëtares dhe topa për fëmijët.

Ata biseduan me të vegjlit që kanë kaluar momente të tmerrshme duke i inkurajuar. Kuqezinjtë improvizuan edhe nje ndeshje futbolli me vogëlushët.

#NeJemiNjëSkuadër” thuhet në njoftimin e FSHF.

/portalb