E madhe kjo: Ish presidenti dhe ish kryeministrja e Kroacisë e bëjnë Shqiponjën, entuziazmohen shqiptarët..
Ish-presidenti i Kroacisë, Stipe Mesiç që gjithmonë është njohur për simpatinë ndaj shqiptarëve edhe pse e ka kryer mandatin e tij ai ende vazhdon të ketë shoqëri me shqiptarët
Në një fotografi që shfaqet kryeministrja aktuale Jadranka Kosor dhe ish-presidenti i Kroacisë Stipe Mesiç, duke formuar me duar shqiponjën që simbolizon dhe identifikon flamurin shqiptar, po bënë bujë në rrjetet sociale.
Në këtë foto është kryeministrja aktuale e Kroacisë dhe ish presidenti kroat Stipe Mesiç që ka qenë edhe presidenti i ish Jugosllavisë, shihet komplet me grupin e tij duke bërë me duar gjestin e shqiponjës dy krenare, simbolit shqiptar i cili gjendet në flamurin kombëtar.
Kjo fotografi është bërë kohë më parë, mirëpo shqiptaret janë akoma të entuziazmuar me të, duke filluar të bëjnë shpërndarjen e saj në rrjetet sociale, shkruan “Bota sot”.
“Kur kam qenë në burg në kohën e ish-Jugosllavisë, qelinë e ndaja me 35 të tjerë të burgosur, 5 prej tyre ishin shqiptarë.
Me ta ndaja të njëjtën hapësirë, të njëjtin ushqim… të njëjtin tualet. Kështu u bëmë miq të mirë. Ky ishte kontakti i parë, nga shumë kontakte të tjera që kam pasur me Shqipërinë dhe me shqiptarët.
Së pari, unë jam një njeri, i cili gjithmonë ka njohur realitetin dhe është e njohur për këdo se bota ndaj shqiptarëve nuk ka qenë kurrë zemërgjerë, veçanërisht ndaj shqiptarëve jashtë kufijve të Shqipërisë. Shqiptarët në ish-Mbretërinë Serbo-Kroato-Sllovene nuk kanë pasur asnjë të drejtë.
Ata nuk kishin të drejtë për kombësi, gjuhë, kulturë, nuk kishin asgjë. Në Jugosllavi, në Jugosllavinë e pasluftës, Jugosllavinë e Titos, shqiptarëve iu dha e drejta për kulturën, për gjuhën dhe kombësinë e tyre, por pavarësisht nga fakti se ata ishin më të shumtë në numër se disa etni të tjera si sllovenët apo malazezët, nuk ishin të barabartë, nuk iu dha statusi i Republikës.
Që atëherë unë kam mbrojtur gjithmonë mendimin se shqiptarët duhet të trajtohen si çdo komb tjetër brenda Jugosllavisë”, ka thënë Mesiç për shqiptarët gjatë një interviste pak kohë më parë
/ms
