Rritet numri i të vdekurve nga tërmeti në Shqipëri!

30 viktima dhe më shumë se dhjetë persona të mbetur nën rrënoja. Ky është bilanci i deritanishëm i tërmetit të fuqishëm që goditi Shqipërinë në në orën 03:54 të mëngjesit të së martës.

I gjithë vendin është me sytë nga Thumana ku tre pallate te shumbura në tokë lanë pas disa viktima, ku vijojnë të jenë të bllokuar persona të tjerë gjendja e të cilëve ende nuk dihet.Forcat e Armatosura, Zjarrfikëset, Policia e Shtetit, Emergjencat Civile në bashkëpunim me grupet e ardhura nga vendet mike, vijojnë kontrollet të cilët janë përqendruar në tre zona: Këneta në Durrës, te pallati gjashtë katësh afër kryqit të kuq dhe te Vila Palma po në Durrës.

Kryeministri Edi Rama ka shpallur gjendjen e jashtëzakonshme në Tiranë dhe në Durrës ndërkohë që zyrtarisht 27 Nëntori është ditë zie kombëtare.

Burrë e grua Pëllumb dhe Çelike Greku janë nxjerrë të pajetë nga rrënojat e banesave në Thumanë. Ata kanë qëndruar për më shumë se 24 orë nën rrënoja ndërkohë që janë nxjerrë mëngjesin e sotëm pa asnjë shenjë jete.

Djali i tyre Saimir Greku u nxor i gjallë nga rrënojat por humbi jetën në spitalin e Traumës.

/tetovasot