Mbi 46% e shqiptarëve nuk besojnë te vaksina anti-Covid..

Ani pse Shqipëria ende nuk ka marrë një numër të konsiderueshëm të vaksinave kundër COVID-19, rreth 46% e qytetarëve të pyetur në sondazhin e Euronews Albania dhe MRB thonë se nuk do ta bënin një vaksinë të tillë, përcjell albinfo.ch.

Referuar sondazhit, 32.5% thonë se do të vaksinohen sa më shpejt të jetë e mundur, kurse 19.9% thonë se do të prisnin disa muaj për të parë nëse ajo ka efekte anësore dhe më pas do të merrnin injektimin.

Ndërkohë, 9.1% e qytetarëve thonë se me shumë gjasa nuk do ta bëjnë vaksinën dhe 37.3% thonë se përfundimit nuk do ta bëjnë vaksinën kundër COVID-19.
Ndonëse për çështjen e vaksinës qytetarët janë të ndarë, shumica beson se pandemia do të zgjasë të paktën dhe 1 vit.

Vetëm 6.6% e qytetarëve të pyetur besojnë se pandemia do të marrë fund në 3 muajt e ardhshëm, ndërsa 20.6% besojnë se pandemisë do t’i vijë fundi brenda 6 muajve.

Shumica e të pyeturve, 36% thonë se e presin fundin e pandemisë në 12 muajt e ardhshëm, ndërsa 21.95 presin që një gjë e tillë të ndodhur në 2 apo tre vjetët e ardhshme dhe 10.6% thonë se kjo mund të kërkojë edhe më shumë kohë.

/albinfo