Ndalesë për qarkullim të automjeteve të rënda në disa rrugë të Maqedonisë..

Trafiku në rrugët shtetërore zhvillohet në kushte dimërore nëpër rrugë të lagësht. Për shkak të temperaturave të ulëta në mëngjes, është i mundur paraqitja e acarit, transmeton Alsat.
Trafiku në rrugën ndërmjet fshatrave Rankovce dhe German është ndërprerë plotësisht, dhe në disa rrugë të tjera ekziston ndalesa për lëvizjes të kamionëve dhe autobusëve.

Lidhja Auto Moto e Maqedonisë informon këtë mëngjes se në rrugën Tetovë – Kodër e Diellit është ende në fuqi ndalesa për automjete të rënda, në rrugën Mavrovë – Dibër ka ndalesë për qarkullimit të kamionëve me rimorkio, ndërsa në rrugën nga Dibër për në Strugë ka ndalesë për qarkullim të automjeteve të rënda.

LAMM rekomandon shpejtësinë e rregulluar, respektimin e sinjaleve të përcaktuara të trafikut dhe drejtim të kujdesshëm të automjeteve, veçanërisht në rrugët përmes, luginave, lumenjve dhe grykave, ku ekziston mundësia e rrëshqitjes së dheut. Kjo veçanërisht u referohet seksioneve Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.

/lajmpress