Policia ndërpret muzikën në një lokal, ndalohet pronari..!

Ministria e Punëve të Brendshme informon se mbrëmë rreth orës 20:00, efektivët e policisë të SPB Tetovë-Departamenti i Punëve të Brendshme Gostivar e kanë privuar nga liria 45-vjeçarin F.B. nga Dobërddolli i Gostivarit, pronar i një objekti hotelierik me lokacion në Qendrën Tregtare në rrugën e ,,Ilindenit” në Gostivar, në të cilin kanë qëndruar 10 mysafirë dhe të njëjtit janë argëtuar nga një orkestër muzikor.

I njëjti është mbajtur në Stacionin policorë Gostivar dhe pas zbardhjes dhe dokumentimit të plotë të rastit, ndaj tij do të përgatitet parashtresë adekuate sipas nenit 206 të Kodit Penal të RMV-së për “mosveprim në përputhje me rregulloret shëndetësore gjatë një epidemi ”, ndërsa objekti është mbyllur përkohësisht nga Inspektorati Shtetëror i Tregut.

/tv21