Manastiri goditet nga një seri tërmetesh, epiqendra në Greqi

Një seri tërmetesh me epiqendër në rajonin ndërkufitar Manastir-Lerin, në Greqi janë regjistruar mbrëmë dhe gjatë ditës së sotme. Observatori sizmik pranë Fakultetit matematiko – natyror në Shkup, njoftoi sot se dy prej këtyre tërmeteve janë regjistruar njëri në ora 07:41 minuta dhe tjetri gjatë ditës së djeshme rreth orës 15:40.

Sipas tyre këto tërmete janë ndjerë në rajonin kufitar të Mexhitilisë, me intensitet prej katër shkallëve sipas Shkallës evropiane makrosizmike dhe në rajonin e Manastirit, me intensitet prej katër shkallëve.

Tërmeti i parë sipas Shkallës së Rihterit, ka qenë prej 3 shkallë dhe i dyti prej 3.3 shkallë.

/lajmpress