Pacientët refuzojnë spitalet, Rama fajëson farmacitë: Po bëjnë biznes, nuk ndodh vetëm në Shqipëri..!

Në konferencën për shtyp, ku ka folur për pandeminë e koronavirusit, Edi Rama është pyetur për trajtimin e pacientëve në shtëpi. Lidhur me këtë, ai ka gjetur justifikimin dhe sipas tij, fajin e kanë farmacitë që bëjnë biznes me të sëmurët.

Gjithashtu, ai është shprehur se kjo ndodh në çdo vend të botës, teksa nuk ka përmendur në asnjë çast se kjo mund të lindë edhe nga jobesueshmeria në spitale, ku përveç vetëvrasjeve, rasti i skandaleve të fundit tremb çdo qytetar për t’u shtruar në spital.

Ai është shprehur:

Jo vetëm këtu, mesa unë kuptoj dhe këtë mund ta konstatoni në artikuj edhe në vende të tjera, njerëzit priren të marrin shumë ilaçe dhe megjithëse kjo është diçka që kundërshtohet në mënyrë të vazhdueshme nga autoritete shëndetësore.

Mesa duket frika, kujdesi, ankthi, nevoja psikologjike i shtyn njerëzit të marrin shumë ilaçe, kur ndërkohë ajo që përsëritet në të gjitha nivelet është që ky virus duhet trajtuar me disa kura bazë pa u turrur për të mbingarkuar veten me ilaçe për sa kohë që gjendja është jo kritike. Kjo është gjëja që mund ta them.

Aspekti tjetër për fat të keq është se në këtë histori bëhet biznes, jo në Shqipëri, por kudo nga farmacitë dhe ju jepet njerëzve ilaçe pa fund. E kemi thënë në mënyrë të përsëritur që gjatë e udhës është të merret receta e mjekut të familjes. Kur gjendja bëhet kritike janë autoriteteve që vendosin dhe të çojnë në spital.

/ms