Edhe pse pandemi, më shumë të huaj vijnë se sa shkojnë nga Zvicra..

Vitin e kaluar, në Zvicër kanë emigruar 3592 të huaj më pak se sa në vitin 2019. Ndërkaq emigrimi nga popullsia rezidente e huaj e Zvicrës është zvogëluar për 9,703 persona. Në këtë mënyrë migracioni “neto” është 61,390 persona. Dmth 6373 më shumë të huaj se në vitin e kaluar, shkruan srf.ch.

Kjo rritje pra shpjegohet me faktin se nga Zvicra kanë shkuar dukshëm më pak të huaj se sa kanë ardhur.
Në fund të dhjetorit të vitit 2020, në Zvicër jetonin 2,151,854 të huaj.

Këto shifra mund të gjenden në statistikat federale të të huajve të botuara të enjten, transmeton albinfo.ch. Njoftimi ka të bëjë me imigracionin dhe emigrimin në popullsinë e përhershme rezidente të huaj të Zvicrës.

Sipas këtyre statistikave, emigracioni gjatë krizës së koronës ka rënë ndjeshëm më shumë sesa imigrimi. Në veçanti në tremujorët e dytë dhe të tretë të vitit 2020, dukshëm më pak njerëz kanë emigruar sesa në vitin e kaluar.

Puna është arsyeja kryesore për imigracionin

Arsyeja kryesore për imigracionin nga BE / EFTA / MB ishte puna: 119,606 shtetas të BE / EFTA / Britani e Madhe kanë emigruan për të punuar. Si pjesë e bashkimit familjar, në Zvicër kanë ardhur 38,278 njerëz, 18,7 përqind e të cilëve ishin anëtarë të familjes së një shtetasi zviceran.

Shifrat tregojnë gjithashtu se imigracioni dhe emigracioni gjatë vitit 2020 janë luhatur ndjeshëm- të dy ishin të ulët, veçanërisht në pranverë, përcjell albinfo.ch. Dhe për shkak të mbylljes së ndërmarrjeve, shumë më pak njerëz kanë emigruar për të gjetur punë në Zvicër.

Ndërkaq kanë ardhur, në mënyrë të shtuar, gjithnjë e më shumë studentë.

/albinfo